هنا صفحه من أيامي .. كتبني هالخيال .. بحروف من ياسي نسمه تخنق أنفاسي .. وأصيح .. كافي .. كافي .. كافي ياألم لاتجرح إحساسي .. عيون الديم تشكي منك .. حتى فاح عطر الهم .. وشميت الخيال .. لين إمتلى راسي .. يموت الفرح في قلبي .. وتحزن كل بداياتي حفرت بداخلي قبره .. وعزيت الأمل فيني على درب الهوى ألمح .. خطاوي رحله إفراقي.. وعلى طاري الغرام أسكب.. هموم وعبره تشكي له .. أليمه ذكريات الأمس ... طويله غربه أسفاري .. كبيره ياجروح الوقت ... وليل الهم وغرباله.. رقت فيني الأماني فوق .. نجومن في سما أشواقه .. وتمطر من عيون الديم .. تجدد خيبه أحلامي .. فصول العمر في عيني ... خريفن يجني أوراقه.. تساقط من على غصوني .. حظوظ الحب وهقواته .. دقيقه ... لاتصحيني بعيشه حلم كذباتي .. دقيقه ... أمهليني فرح يجدد لحظه إعناقه... مادام إن الزمن ينكر ... حقيقه قصه إشراقي... بمارس كل طقوس الحب .. على نيران غيباته.. أبي قربه .. أبي حضنه ... وأبيه أقرب من أنفاسي.. أبيه كثر ما تضوي.. شموع الشوق ظلماته.. أبي فرحي يناديني .. حبيب أشوفه قدامي أبي لاتاهت دروبي .. أسكن في محطاته رجيتك ماطلبت أكثر ... دقيقه ياسويعاتي خذي عمري ... وكل وقتي .. فدا لحظه بلحظاته أحبه ... وإن شكيت الضيم ... أحبه ... زود في ذاتي... وأعرف إنه يحبني وإن ... قسى في ليله إعتابه..!! النجلا

ساعد في نشر والارتقاء بنا عبر مشاركة رأيك في الفيس بوك

اقتباس