خلاص اليوم ما باليد حيلــه=أقول اواه مـــــن هجرك وصدّك
ألا يا شوق لو تدري الحصيله=نسيت اني على عهدك و ودّك
نكرتي عاشقك وسهاد ليله=بعـــد هــــذا تقولـــي بــــاح سدّك
خيول الشوق لو جتني دخيلــه=حوافرهـــا تدوس اورود خدّك
ذبحت القلب لو اسمع صهيلـه=مشاعر تلزمــك بالسيف حدّك
سليت اعوام من عمري طويلــه=ولا هي شافعه من خط يدّك
أنا اركيت زندي لثّقيله=وانــــا قادر علــــــى مـــا كـون ضدّك
ذكرت اني وفي مذبح قتيله=ولا فينـــــي طبــــع جـزرك ومدّك
طويت اكتاب صفحاته هزيله=حرقت ابنـار ماضيكـــــم وغدّك
رجيت الغيث من ذيك المخيله=تجود ابخير عـن جودك وجدّك
خلاص اليوم دورت البديله=فتى قلبي شهق مــــن جور ردّك