ياما على شانك فقد جفني النوم=وياما على شانك كسرت المحاذير
وياما سكن في هاجسي افكار وحلوم=واذا شردلي فكر تاتي تفاكير
لا والله الي صار في حبك علوم=ولا والله الي فاق كل التفاسير
وان كان عذالي تبي تكثر اللوم=من شان حبك ارفض اللوم واغير
انا ادري ان الحب قاسم ومقسوم=وانا ادري انه لو كُتب شي بيصير
وانا اعرف اني فيك هايم ومغروم=ولااريد منك غير عطفاً وتقدير
في كل يوم اقول وش يخفي اليوم=وصرت اقراء بوجه الزمن كل تعبير
قامت تزيد همومي همومها هموم=يالله عسى مهي بداية مخاسير
حتى بنومي صرت انا القاك واقوم=واجدك حلم وصار لحظات ويطير
وقدام نور الفجر يخفي له نجوم=بموت احبك بس تصبح على خير