رحلتك حان اقلاعها بالسلامه = ياللي سكنت الروح اهلا وسهلين ||
حفظ الهوى وآجب قوي واحترامه = اساس اومقياس صدق المحبين ||
وذا الغرام بتاليته الندآآآآآمــــــــــــه = بلاش طيب مافي دآعي تحبين !! ||
الحب ماكلٍ يطبق نظامه = والصدق واجب فرض بين الكريمين ||
ولوكل عاشق فيه روح استقامه = والله يزين الحب والعشق ويزين ||
طرح العواطف والشعر وانسجامه = والقلب ينبض بالاحاسيس للعين ||
مثل الحصان اللي بيدي لجامه = في قلب مضماري تروحين وتجين ||
ومثل البعير اللي مسلم خطامه = للراعي اللي متعبه حظه الشين ||
والشوق اذا يوصل لذروة سنامه = في ذمتي ماله مذاهب ولا دين ||
ياحظي اللي كل ماجت علامه = تبشره بالخير راحت وفي حين ||
وعيا نديم الليل يجلي ظلامه = عيا يجيني صبح ياليل الى وين ||
وناضت علي جروح قلبي وامامه = الحيره اللي مالها غير امرين ||
اما الجفا حتى تزول الغمامه = ولا الغرام اللي قتل وقتي الزين ||
المسأله ماهي بحاجة شهامه = ولا مراره من جروح السكاكين ||
لأنها وصلت معي للكرآمه = والفكر متعبني وهالأختيارين ||
وش رايكم ياهل العتب والملامه = باللي فقد حريته بين شيئين ||
ويافكري اللي ماتهنا منامه = يسهر على الاشواق بالعسر واللين ||
والموت خلفه والعدو من امامه = وصعبت عليه المسأله فالصحيحين ||

بقلمي | نايف الذويبي العتيبي || 1 - 7 -