تحية صادقة من القلب للجميع

الخلق ضايق والهواجيس حدني = حد الظما لعروق(ن) العام عطشانه
تايه فكر وان جيت أبوصفه ماكني = إلا شعيبآ يصطفق بين جيلانه
أضحك وأجامل للمخاليق وأكني = ورجلي على روس المراقيب شفقانه
البارحة يامطول الليل في ظني= حتى الثواني بعد الأرقام كسلانه
أسلا ولكن بعض الأفكار سجني =طار الكرى يوم المخاليق حلمانه
همي سكني قبل الافراح تسكني =وحظي عثرني سامح الله نكرانه
ياصاحبي ياللي عن الناس شاطني=شلت الخفوق اللي رسى بين ضلعانه
في صدتك سود الغرابيل حامني =تقسى ولا تدري عن عيون سهرانه
إن قلت أعزك... واقعي من صغر سني =وأعشق عيونك ياهوى القلب وأوطانه
يمك ترى حسن التواصيف ساقني =واستبشرت بك نظرة العين فرحانه
هاض الشعور وجمع الأشعار هاضني =وصرت القريب وثوّر الشوق بركانه
ولاشوفك إلا يالغظي قطعة(ن) مني=يابو ثمان ارهاف وعيون شيهانه
اليوم أشوف إن المواصيل يبكني=ياكيف مدري بس الأوضاع خربانه
حتى قصيدي قبل اهيجنه هيجني=واستنفرت صدق الاحاسيس زعلانه
حديتني في طرد الأحلام وأشقني=حد الظما لعروق(ن) العام عطشانه

ود لاينتهي