اسعد الله اوقاتكم جميعا

مابين دمعٍ اغرق احداقي وجفنٍ محتويه =ونفسٍ تكابر تمنع عيون الرجل لاتنثره
وقلبٍ ذبل ذابت عروقه نار بعدك تكتويه=وروحٍ نحتها عزتي عن دربك اقفت مجبره
ومشاعرٍ لاقلت هو من صد صاحت ليه ليه=لو صد مهما صد هذا لاتحاول تنكره
اقفيت انا اسحب خطوتي من درب تيه لدرب تيه=كني كمن اخطى الطريق بليل مظلم وغبره
وغديت سكّه للهموم ليا انتهت به تبديه =انا دروبٍ موحشه والهم بي طال سفره
انحت بي من ارض العقل لحدود منزال السفيه=وياليتها دام رحلت بي عن حدوده مـ قصره
لاني وصلت لمرحلة بالضبط مدري ايش ابيه=ولاني بقيت بدائرة منهو كسوره يجبره
لاني هناك ولا هنا ضايع ولكن ماعليه=هنا كثير استوطنوا قبلي سبب فرقا مره
لكن وانا ذي حالتي تايه وكلي لك عليه=ولابيني وبين الجنون الا كما عرض شعره
بقولها لك والذي كل الخلايق ترتجيه=اللي صنعها محكمه جوه وبره وبحره
من بأمره الأسمر يضيع ابه الحَمَـار ويكتسيه=والصبح بأمر ينتصر فيه الحمر ضد اسمره
انه فلا غيرك بشر اشفق على ملامس يديه=رغم ان ماغيرك بشر دخل حياتي ودمره
ولا غيرك بهالكون احد يسوى ولو كلمة ابيه =ولا فيه ماضي غيرك انتي يستــحق اتذكــره
واللــي بيخفي صورتك ياسيدي بدري عليه=ولـو فيه شيءٍ يطمسه يمكن تراب المقبره