يَعقاب يللي بالسّمـا وَجهتـك غَـربْ = يـمَّ الغَظـي الموجـودْ بالجيرمـيِّـه
اسمُه (محمد خير) يلبس ملابس حَربْ =أبو مهيد وجهَ الخيـر وايـده سَخيِّـه
وصّيه عني (لَ) الشّمس تضربُه ضَربْ = لنه الشّمِـس يَعقـاب تضـرُب خَفيِِِّـه
يَحذرِ مْنَ الحِنشان ، حيّاتها الجُـربْ = لا ينام هيـي يَعقـاب نومـه هَنيِّـه
يَعقاب بَلِّغ كاملَ الطيب عَـن قُـربْ = يَلفي حَدانـا اليـوم عَصـرٍ مَسيِّـه
ِقلّه عَلـي مشتـاقِ لْشوفْتَـكْ صَـبْ = يَشـرَب مَعـاكَ الشّـاي بالمَريَميِّـه
بَالناقرَ اللي نَسمِتـه تنشـرِب شُـربْ = نَسمات مِثـلَ الثَّلـجِ مْرَطَبـه بميِّـه
مِن فوق سَـدّن ميتـه كِنَّهـا عَـذبْ = عَبَر الحِمِض وريضان تَسـري هَديِّـه
تِفوح عِطرِن ريحِتـه تَنعِـش القلـبْ = وتَحمِل شَذى الطَّيـون ريحَـه زَكيِّـه
نَعناع بَري ريحتـه تَجذبـك جَـذبْ = مِن تَـلْ زَرعـه دوم خَضـرا نَديِّـه
روضْ الحِمِضْ يازينْ مزدانْ بالعِشبْ = عِشبن تِـداوى بُـه عَـنْ صيدَليِّـه
وجْعيدة الصِّبيان مَـع فيجَنُـه طِـبْ = فيجَـن تِطَيِّـبْ فيـه الشِّكـوَ الغَنيِّـه
مَنَبتْ عُشُبْ وِخصـاب كلهـا حَـبْ = تَرغَبْ لها القطعـان وتـورَدْ المَيِّـه
بَعدَ الغيابْ مِنْ كُلْ صوبِن وكُلْ جَنبْ = صوتَ الوحوشَ الكاسرَه تَمسي عَويِّـه
تَقصُدْ لُهْ العُربان لَنْ صابَهـا جَـدبْ = بسنيـن محـلن بغنامهـا والرعـيـه
تَطلُب ابلادَ العِز والنومـاسْ بالغَـربْ = ديـارَ النّشامـى دوم خَضـرا عَذيِّـه
ديارَ المهيدي اللّـي ترابَهـا خَصـبْ = بخَلِّة خَلَـف وطرافهـا وبالجيرَميِّـه
ديارَ المهيدي دوم مِسراحَهـا رَحـبْ = بارضَ الشَّفـا بصيـدور وبالمَلَسيِّـه
ديارَ الاماره اللّـي سيوفَهُـم حُـدبْ = اخوان صَبحا اصحابْ نَخوه وحَميِّـه
فُرسان يومَ الثار وكت اندعَت للحَربْ = ورجالهـا شُجعـان والواحـد بميِّـه
اخّاذتِن للثـار مـا تَنثَنـي للصَّعـبْ = وتقـول هَـلا بالمـووت ولا للدَنيِّـه
تَحمي الدَّخيل وجارها وكت لا طَـبْ = يَمسي بأمان وأمـن وعيشـه رَضِيِّـه
لََن جيت ع الدّيوان الكِلْ بَكْ يِرَحِـبْ = وَكتِن تِفوتَ البـاب يصفولَـك النيِّـه
ومزيِّنه الديوان صورة مَلِكنـا الشَّـب = سيـدَ الملـوكَ الحاضـرَه والأوليِّـه
تَجلس على مَفروشـن مِنّـه تِعَجَّـبْ = فوقََه مَراكي عـراض زَرقـا وعَليِّـه
تِقيِّل وتَرتاح من عَنا السير ع الدَّربْ = وكتَ العصُر يا زيـن دونَـك الفيِّـه
تَشتَـمْ ريـحَ البُـن يومـن تِعَبعِـبْ = تِقـول مزنـن لافيـه تَحمـلَ المَيِّـه
تِفرقِعْ عَلى نارِن مِحماسَهـا صَلـبْ = كنُّـه جنـادِب يـوم شَمسـن صَليِّـه
تَطرَب على مِهباشن لَعابُـه ابينحَـب = ومزَخرَفـن بنقـوش حولَـه حَلـيِّـه
ودلالِن امصَهَيه كنهـا بَـطْ لا طَـبْ = ويفـوح مِنهـا البُـنْ ريحَـه زَكيِّـه
تَنعِش فؤادَك ريحَـة الهيـل لا هَـبْ = هيلن صِنِف مُمتـاز أرضُـه يَمانيِّـه
تَشرَب تِكَيِّف وكـت فِنجالهـا صَـبْ = صِحَّه وعوافي ان شا الله وهمّه قَويِّـه