بعيداً عن زحام المدن واجواءٍ ضجيجيَّه=وش احلى من ربوع البر لا هبت نسانيسه
وسجة رجل من عقب المطر لا هل ساقيه=وشوف النبت الاخضر مزهرٍ من بعد ترميسه
وشبة نار مع بيت الشعر واطناب مبنيه=ورسلانٍ يفوح البن منها عقب تحميسه
وربعٍ لك على العليا يحثو السير رجليه=وخوتهم شرف ما ادَّنس البغضا مجاليسه
على المقناص هبو كلهم عزمٍ وجديه=تباريهم حرارٍ هدها يجلب مفاريسه
واذا عادو على المخيم غنايمهم مثاليه=على نار السمر تشوى لحمها مع نسانيسه
وحمدو الله على النعمه على الجهر وعلى النيه=ومن يحمد تدوم له النعم ويبارك فليسه
ومسامرهم على الذكر وعلى الشعر ولا هيه=على الغيبه ولا البهتان ولا إبليس ووساويسه
ولا من راح نص الليل واعلن نصه الجيه=ولاحت في سماه نجوم صبح اليوم وآنيسه
يصلو لله الواحد صلاة الوتر سريه=ويدعون ابخشوع بجنة الله سلعه انفيسه