عاجز اراسل من احبه واغليه=عاجز وادور في حياتي وسيله
امام عيني ياخلايق وما فيه =قريب مني والمسافه طويله
بكل ما املك مع الوقت اشريه=غالي على قلبي وصدري يشيله
حتى في نومي قالت الناس اطريه=اسمه مكون من حروف جميله
الحرف يعجزفي وصووفه وتاليه=والعين عيت ما تلاقي مثيله
اقسم برب الكون ما غير افديه=النفس من دونه اراها قليله
عاجز مع الايام وشلون ارضيه=قلبي الذي ماعاد يعرف دليله
ماعاد بيدي شيء اقدر اسويه=غير انتظار الموت في كل ليله
كلمة احبه ما احد قالها فيه =الا انا في كل بيت وشيله
نعم احبه يا خلايق واغليه= دنياي من دونه نعم مستحيله
نصيبي اتحمل وقلبي اواسيه= ونصيبي ما افرح ونفسي عليله
طالت مسافاتي وقلبي اراعيه=والبعد مثل الموت مافيه حيله