لاتزعلي مني مدامك مع الغير= شديت برحل والعذر في غيابي
ممكن يكون البعد عن دنيتك خير = وممكن يكون البعد اول عذابي
بصبر واقاوم دامني عازم السير=خلاص يكفي ما رحل من شبابي
في الاوله جاني من العقل تحذير = لكن قلبي في دروبك سرابي
والثانية مني حصل كل تقصير=طاوعت قلبي والنتيجة سرابي
مني لكم في كل الاحوال تقدير= والشكركل الشكربآخر كتابي

نعم انا في دنيتي ما سليتك=نعم تحملت كل شيء ولا فاد
لحد بيتك في البدايةاجيتك=صديت عني والاسى داخلي زاد
ياما وياما في حياتي رجيتك= طعنات غدرك خلفت كره واحقاد
بكل ما املك وربي حميتك=والقلب لك في كل الاحوال ينقاد
انت الوحيد بكل كلمة هويتك=وانت الوحيد اللي رصيده بيزداد
هدمتني ياحيف وانا بنيتك=معقول تجازيني باغلال واصفاد
غلطة حياتي للاسف ما قريتك=ما كنت اظنك تنكر الملح والزاد
انا خلاص من فؤادي لغيتك=دور لغيري يمكن الغير معتاد
رغم الجروح في دنيتي ما رميتك=اتابعك عن بعد من غير ميعاد
اليوم انا ندمان على ما عطيتك=طاوعت فيني للاسف قول حساد
اسهر طوال الليل واقول ليتك=ما تزيد همي داخل الصدر اعداد

تعال شوف الحال ياسيدوشلون=واحكم بنفسك قبل ظلمك يجيني

ما تدري ان القلب لليوم محزون=وان الفرح ما يوم رافق سنيني

كلمة احبك مالهاشكل او لون=تساوت الكلمات قدام عيني

حروفهاتملأ مجالات في الكون=وتغيب من اعوام بينك وبيني

كل الحواس على فقدهااليوم يبكون=واكبر دليل القلب مهموم فيني

تعال عجل قبل ما اكون مجنون=اصبح علاج الاه ما هو بيديني

انصحك ياقلبي تكون بين الاضلاع=لا تروح عن دربي مسافه بعيده
ما حولك الا للاسف بعض الاوجاع=وجروح في كل الاماكن وليده
لاتلتفت وادرس معي كل الاوضاع=واسلك معي كل الدروب المفيده
ادري ياقلبي حولك اليوم اطماع=والآه من قول الخواطر شديده
سرك معي اخفيه لوتجهره شاع=والدمع يكتب فوق خدك قصيده
ادري بانك بين الاضلاع ملتاع=وادري معاك النفس وايد عنيده
تدري وادري حولنا ناس انواع=لكن معي فكر بخطوة جديده
نخرج انا وانته برغبه من القاع=ونعيش نحلم بالاماني السعيده

احساس في داخلي اخفيه =وطريق طالت مسافاته
في داخلي قلب كيف ارضيه=ما قدرت اخفف معاناته
الاه ما قدرت انا امحيه=والقلب غارق في اهاته
بيدي انهدم كل ما ابنيه=بيدي انحرم من علاقاته
في كل لحظة افكر فيه=وين الخطا في حساباته
لو كان بيدي انا ارضيه=ماهمني العمر لو فاته
لو يطلب الروح راح اعطيه=روحي وقلبي ودقاته
الخوف العمر ما يكفيه= ويموت من كثر حسراته