...
بمناسبة خروج

خادم الحرمين الشريفين

من المستشفى سالماً معافى
سننتهزها فرصة
لكي نعبرعن طرب مشاعرنا
و سعادة قلوبنا بهذا الشامخ
أدام الله بدرة في سماء مملكتنا
و عالمنا العربي
و الإسلامي
و حماه

يا دارنا قومي تحلّــــي بالنفـــــــيس و بالجــــديد=و اتبختري في عين ابو متعــب إمام المســلمين
راس العــروبة صاحب الراي الجزالة والســديد=خادم بيوت الله بعـــدله والــــــــــهدى دنيا و دين
ماجد الرتيق
..
يا والله اللي في خروجه كننا في يوم عيد= رب البشر يحميه دايم من عيون الحاسدين
يجعل له ايامه سلامة والمشاعر له تزيد=تاج المحبة والمسرة في قلوب الخيّرين
كاتم السرّ
..
استقبلي فرحة مليكي بالقصائد والنشيد = راعي المكارم والصفات الطيبة مخلص أمين
ياسيدي ندعو إله الكون بالعمر المديد = للقائد اللي صار حبه في قلوب العالمين
عمّار آل قحطان
..
في غيبتك حن الخفوق وذاب من عيني جليد = كني يتيم إلا العرب كنْهم يتاما ضايعين
تكفى يا ابو متعب تماسك لنّ حبك في الوريد = جيتّك تفرحنا وتفرح كل قلب وكل عين
شعبان القحطاني
..
مايختلف في حبكم ياسيدي كهل ووليد = يارافع ٍ قدر النسا صارو كما در ٍ ثمين
يوم النسا في غير دارك صارت من السهل صيد =حنا ارتفعنا في قرارٍ من قراراتك مكين
تعال نوّر ديرتك ياصاحب الراي السديد = لو في يدي والله لأهديلك من سنيني سنين
ظلال
..

يوم(ن) شفا الله المليك لقلوبنا فرحة و عيد= و آني دعوت الله كما يدعوا جميع المسلمين
رمز الفخر والعزّ للأمة شذاها والوحيد= عبدالله الحرّ الأبي بالخير نصّاع الجبين
الدكتور محمد الصعيدي
..
يا هامة الجود وسنام الخير يالعقد الفريد=في ذمتي لك بالحشى مرباع زاهي بالحنين
راس الزعامة تعتلي يالباهي الحرّ التليد=يامن ملكت البابنا وارواحنا والنجلتين
في حبكم يا والدي تتعب دواوين القصيد=والحرف يخشع من بهى طلّة سموّ العاليين
الأصيلة
..
عبدالله الشهم الأبيّ النايف الحرّ الوليد=نادر خلقه الله إمام المسلمين المتقين
جوهر فلا مثله حصل لا من قريب اَو من بعيد=بلسم جروح اقلوبنا لطّام كل المعتدين
عبق المشاعر
..
صقر العروبة والعرب بمواقفه دايم شهيد=يا كم مواقف شرّفَت شعب السعود المخلصين
لك في خوافينا مقام الأب والحب الأكيد=نبراس يشعل هامة الإخلاص وآفاق اليقين
الحمد لله عـ/السلامه كلنا نقول ونعيد=ونرفع تراتيل الرجاء والشكر للحق المبين
السلطانه
..
أختم قصيدة شامخة والكل منها يستفيد = ياهامة التاريخ عبدالله وياكنزي الثمين
فخر العرب إن جا خطر يضرب بيد(ن) من حديد = ماينحني راسه ابد دامه بربه يستعين
عمار آل قحطان
..