البارحة طول ليلي واعـيٍ صاحـي=من يوم سوداليالي بـان مضمونـه

وسوداليالي تبـي فطـنٍ ولاماحـي=ويحلـل النـاس صاحيهاومجنونـه

واخذت في ذالزمن مسرى ومرواحي=حتى ان صدري تفجر كـل مكنونـه

وعشرة هل الطيب منهاتجني ارباحي=واهل الردى من نصاهم مايفيدونـه

وقضيت عمري بدرب الطيب فلاحي=وحسبت زرع زرعتة تخضرغصونه

وجنيت مما زرعتة هـم وجراحـي=وصارالمشقى يعض شفاة بسنونـه

من يـوم بقعـى علينابرقهالاحـي=وبانت هموم بوسط القلـب مدفونـه

يوم القرايب بقلبي غـزو رماحـي=واقصى ضميري من الداخل يفجونه

اول اليا من نصوني قمت مرتاحـي=كم واحد بعت عمري لخاطرعيونـه

هذي المشاريه ماهي طق مسباحـي=والدين عندالعرب واجـب يردونـه

وتكثر قصاصيبهم يوم الجمل طاحي=وجابوسكاكينهـم قامـو يحـدونـه

وكلن بسيرتك مثل الكلـب نباحـي=من قام واقفى من المجلس يحشونه

واهدافهم بينـت للعيـن بيضاحـي=وبانت حقيقة عن عيوني يخفونـه

البـرق مايختفـي باليـل لالاحـي=وامثالهم نـور شمسـي مايغطونـه

وانا ولـد شايـبٍ للحيـل ذباحـي=تلقى المفاطيح يوم الجوع بصحونه

والباخرة يلزمـه كبتـن وملاحـي=والبيت يبغى قواعد تمسـك ركونـه

والحزن يقفي وياتي عقبه افراحـي=والنفس دايم عن الانذال مصيونـه

وياعل من يجحد المعروف للماحـي=ولاضريـر مـع العــالـم يــقـودونـــه