مايفرق الناس غير العقل والدبره=اعقول علم وذكا وعقول منداشه
راع النظر مايقيس البعد في شبره=يبعد ورا ضيحة للعين غشاشه
زاده من العلم يحمي ماضي الخبره=ويميّز الكيمرا والفلم وفلاشه
وليا حداه الجهل تكّا على صبره=ينزح عن المستهيش ويترك هواشه
قلته وانا شاعر تحرقني العبره=لاشفت راع المكارم يطوي فراشه
بلاه صوت النشاز وعالي النبره=واهل الكبر مشغلين البث والشاشه
والكبر قلّت حيا والعقل يعتبره=نقص(ن) على نقص مع مشلح ودشداشه
وانا بعيد(ن) عن التفخيم والكبره=والناس ماهي على اهل الكبر معتاشه
الكبر ما يحتمل با النقش سلك ابره=اقل من نقشت الناقش على قماشه
ولا يثري الحرف لو بخ القلم حبره=والا التواضع سوات المزن ورشاشه