محاوره مباشره بين الشاعرين مطلق بن عبيدان السبيعي
و عبدالله الحضبي السبيعي



قال مطلق بن عبيدان

عد ما دارت ايام وشهور وسنين=يا سلامي على الخرمه وسكانهـا
تين معروف في الخرمه ويااااحي تين=أشـتـهــر بــــه رع الـحـكـمــه وقـيـفـانـهـا

قال الحضبي

البقا بالعزيز اللي كلامه رزين=مـن رجـال كـرامْ طـوالٍ أيمانـهـا
قد تسمويت بالرمز العظيم المتين=ضلـع بـيـن وبــارز بـيـن ضلعانـهـا

قال ابن عبيدان :

الموطـا وجدنـا فيـه شـي ثمـيـن=واطلعنا على الصفحه وعنوانها
غيض من فيض معلوم وحرز متين=مــيــر مـاشــفــت لـلــحــره وفـرسـانـهــا

قال الحضبي:

والله انك من اللي يسعدون الحزين=لازم انــك تـوضـح شـــرط نقصـانـهـا
التأكد يساوي في المعارف يقين=وصفحة المجد نفتح كـل بيبانهـا

رد ابن عبيدان :

يامعلم كلامي من فطين ال فطين=نا خذ من العلوم ونعطي اسمانها
لا تسوي كما اللي عايد القريتين=العوارف ما يجهل فعلهـا وشانهـا

قال الحضبي :

المدرس سعيد ويشكر الفاهمين=ورامـي البندقيـه شـاف نيشانهـا
والموطا مسلسل خاص بالطيبين=مـن لقـالـه مـكـان يـطـب ميدانـهـا

عارض الزميل نور البدر قائلاً:

شفت رجل سمين وشفت معنى سمين=ويـــا حــــلاة الـمـعـانـي نــقــوة ألـحـانـهـا
سوقها قدم والخيال علمه مكين=يعـرف الخافيـه والبينـه عااااانهـا

رد الحضبي :

أشهد إنك يانور البدر شخص أمين=لــك معـانـي حكيـمـه غلْـيـت أثمانـهـا
من رجال لهم في الطيب سمن وسمين=تـــكـــرم الـــجـــار والــعــانــي وضـيـفـانـهــا

فقال ابن عبيدان :

انت محسوب ومقدر مع الطيبين=والعرب تاضع الامال في السانها
والحقيقه كما شمس سفرها يبين=يكشـف الارض واديهـا وشعبانهـا

فقال الحضبي:

أنت شفت الرسايل يوم تطلب عوين=مـاكـمــل غــيـــر مـصـحـفـنـا وقـرآنــهــا
نبـذل الجهـد يامطلـق مـع الغانميـن=والعرب صعب تحصي كل شجعانها

فقال البدر :

البقى فيك يالحضبي وانا لك ظمين=دونــــهــــا دونــــهـــــا لاجـــــــــاك ديـــانـــهـــا
وانت لي محزمن وقت اللوازم متين=لاسرجت خيلها من ربعـي حصانهـا

رد الحضبي :

المعاني لها في كل وادي رنين=تفرح الدار لا هلت من أمزانهـا
ابشر بعزك اليا من بغيت العوين=مثل شـرواك نفـزع لحظـة أكوانهـا

رد ابن عبيدان :

شفت كل النجوم وغابن الفرقديـن=قالو ان الزمن ما هو من ازمانها
من تقدم على المنبر بعلم ودين=لا يساوم على المله ولا اركانها

قال نور البدر :

مطلق العلـم لايـدري بـه المبتديـن=خـلــهــا بـيــنــي وبـيــنــك وفـنـانــهــا
اصبر شوي ويجيك الخبر باليقين=تـاخـذ العـلـم مــن راســه بعنـوانـهـا

قال الحضبي مختتماً المحاورة :

الرموز العوارف عز للغانميـن=فخر ديرة هل الغلبا وسبعانها

ساعد في نشر والارتقاء بنا عبر مشاركة رأيك في الفيس بوك

اقتباس