احيان تخرج دمعة تجرح العين........................
دمعه تعاندني وانا اعرف سببها
ان جيت باخر دمعتي تنحسب دين........................
وان طعت دمع العين حرق هدبها
لو جيت بشرح وضعها قلت بعدين........................
وان جيت ابينها فصمتي غلبها
مدري على وقت مضى قاسي وزين........................
والا على دار شكت من عربها
مدري من اقصى الناس ولا قريبين........................
والا على شان الحياه وتعبها
مدري دموعي سبت البعد والبين........................
والا لجل عيني تصعب طابها
مدري من اللي توهم مستجدين........................
يطمح طموح وخطوته ماحسبها
مدري دموعي من افراق المحبين........................
اللي خذاهم خالق قد وهبها
يمكن عرفت السر لاعاد تبكين........................
وما قدره ربي لعيني كتبها
ماكل مخلوق له السر تبدين........................
ولاكل من يدري يخلص نشبها
ياليت تبقى دمعتي داخل العين........................
ولا يشمت اللي ماعرف وش سببها

ساعد في نشر والارتقاء بنا عبر مشاركة رأيك في الفيس بوك

اقتباس