يا اللي خذيت معذّب القلب وياك=,,,متى على متن السكينه تردّه
ما كان فيه من الشقى شي لولاك=,,,تبني شقى ساعه وساعه تهدّه
روح(ن)مغطيها الرضا من محياك=,,,وقلب(ن)زعل فرقا المحيّا يحدّه
زانت لي الدنيا وشانت بلياك=,,,انت المليك اللي ملكت المودّه
وش لك علي الاّ محبتك ورضاك=,,,وكل الهجوس لرغبتك مستعدّه
مديت لك يمنى الغلا مد يمناك=,,,يمناك مدّه مثل يمناي مدّه
خذها حقيقه نازف الجرح يفداك=,,,وفيك الدقايق والثواني نعدّه
كانك بغيت تعذب القلب حياك =,,,ترخي حبال العشق والا تشدّه
اهم شي اني على دربي القاك=,,,الد عيني وانت عينك تلدّه
واهم شي اني انا بدر دنياك=,,,وانت بحياتي شمسها المستبدّه
كل الاماكن حاجزتها مزاياك=,,,ومكانتك مافيه غيرك يسدّه
واجمل حروف حروف تلمس شفاياك=,,,حتى الحواجز تنثني ما تصدّه
يا اللي خذيت معذب القلب وياك=,,,متى على متن السكينه تردّه