السلام عليكم ورحمة الله وبركاته

اليكم هذه المحاوره البسيطه التي دارت بيني وبين الشاعر مخاوي الشعر:

مخاوي :

تقدم يا جاسم حاور مخاوي ولا ترده

نبي نسمر معاك شوي كانك للسمر هاوي



جاسم :

جيـت يامخاوي الشعر نفل أمها ونتحدّه

مدام انك تبي تسمر تراني للسمر قاوي

انا الملهوف يامخاوي و أدور للشعــر ردّه

انا المجنون في شعري قلّي كيف يامخاوي

تحاور شاعر بحجمي عجز بمحاوره جـدّه

عجز خالد عجز حامد عجزت انتَ عجز ضاوي

مخاوي :

تنحا وشوف صقري كيف بالوادي اباهده

صقر لامن طلقته ما يعود مخلبه خاوي

تراني غير وجدك غير شعري من وقف ضده

يعض آصابعه نادم ونجمه بالشعر هاوي

جاسم :

انا يا مخاوي القيفان بحر في داخلي شــدّه

يرسل شعري أمواجي وأسمعها بلا راوي

اهدّ السيل ع الوادي ولدري كيف بتسـّده

حكاية موج لو تدري يزلزل شعرك الغاوي

مخاوي :

وانا بركان لامن ثار ما تلقى حدن يـمه

والى من ثرت في قاعك افجر موجك الغاوي

نصحتك بس منتب منتصح حتى تجي الزمة

ترا شيطان قافي لا يزال بشر لك ناوي

جاسم :

قبل ماتثور في قاعي اعرف بحري من حدّه !

وقبل لاتبدا صدقني تلقى الموووج لك قاوي

يبرّد ارض بركانك ويفـتح شعلة منسـّده

نويت ابها تفجرني وصار العكس يامخاوي

مخاوي:

وشاب القاف يا جسوم عقب الغزو والشده

وغبار الحرب كون غيم يطفي جمرنا الكاوي

نبي نتصافح وقلبك حذاري يفور من حقده

مصير النهر لو يحتاس يرجع صافي متساوي

جاسم :

ابد ماشاب يامخاوي لــكن جاتك العقــدة

قدرت اقضي على حسّك والا لا يامخاوي ؟

بداية وانتهت حلوة عسى ترجع بعد مـدة

ابد مايحقد قليبي مدامه للشعر هاوي



آمل ان تحوز على اعجابكم ..

ساعد في نشر والارتقاء بنا عبر مشاركة رأيك في الفيس بوك

اقتباس