بسم الله أبدأ (جديدي)
::
::
والله ما غبتِ عن القلب ساعه
واني احبك حب ماله مثايل !!

حني علي يكفي العنا والفظاعه
وشوفي جروحي يا ام شقر الجدايل

قلبي مسلّم طاعته و انصياعه
كله لكم يا طيبين الشمايل

مركب هواي العام رافع شراعه
في غبّتك شفت العنا و الهوايل

طمعت بك والنفس شفّ و طماعه
والقلب ما يطري البدل و البدايل

روابعي ما تستمع للرباعه !!
لو هم علينا رافعين الشلايل

و عزايمي فيها الظفر و الشجاعه
كله لعينك يا فريد الخصايل !!

وتواصلي رغم الجفا و القطاعه
هدّار طيبه فايضٍ بالجمايل !

و حزني كتمته عنك رغم إلتياعه
وفي خاطري شيٍ ولانيب قايل

و قصايدي فيها الحكم و البراعه
كله لأجل عينك بدعت المثايل !!

قلم فهد البدر

ساعد في نشر والارتقاء بنا عبر مشاركة رأيك في الفيس بوك

اقتباس