ذبت يا قلبي وصمتك .. كان هو سبت شقاك
ذبت يا قلبي بعذرك .. مانت يا قلبي حديد

قلي يا ضامي بصمتك .. غير دمعك من سقاك
قلي اللي قد مضى لك .. من سنينك وش يفيد

قول منت أول.. ولا أخر ..ولا هذا خطاك
قول بك جسمي تعنى..أه يا قلبي العنيد

الشعر ثارت حروفه .. ما الومه لو غزاك
كثر ما جاني القصيد ..قلت دوك وما تريد

ما بغيت تبوح .. لكن ..الشعر بيح خفاك
ثايرٍ في وجه صمتك ..يكتب أبيات القصيد

هذي الفرصة الأخيرة .. جاتك وربي عطاك
اعترف له بالمحبه .. صارحه باللي تريد

خل عنك الصمت وارفع..صوتك لعالي سماك
صيح بأعلى نبض قلبك .. واصرخ بدم الوريد

قول احبك قل عشقتك قل هويتك يا ملاك
قول يا عمري ابيك تكون لي عمرٍ جديد

.........
......
....
...
..
.
وسلامتكم