أنا أشهد إنه صورتك تشرح البال =وتعطي حروفي دافع للكتابه
إن جيت أغنيها على كل موال =زانت معي والوصف لي فك بابه
معك الوصوف تزين والحرف يختال =وفيك القصيد يذوق طعم الذرابه
تبت حروف الشعر في كل الأحوال =من لاتغنى فيك فاقد صوابه
ياوالدي ياسيدي طيب الفال =من غير أبو متعب قصيدي زهابه
ياليثنا الضرغام في وقت الأهوال =يشكي عدوك من يمينك مصابه
وإن جو يبون الشور مع صدق الأقوال =صقر العروبه بحنكته حل جابه
واليا تطارينا الكرم مثل همال =يمطر على شعبه بخيره سحابه
أطلق مشاريع الرخا بروس الأموال =أسس مدن كمل طريق بدابه
في رابغ بإسمه مدينه للأعمال =وحايل على نجران تبعت ركابه
وعسير جاها واصدق الفعل ماقال =وجيزان زينها بحضرة جنابه
وأذكر بعد ماقدمه لجل الأجيال =والعلم والتعليم وفا نصابه
حتى العرب مولاي لهمومهم شال =يشهد على ما أقول درب مشابه
أعلن .. تبرع .. إبتداء .. شارك ونال =حب الشعوب وطال عز ومهابه
هذا لقضايا أمته خير حمال =ولخدمة الأسلام حاسب حسابه
والله لوبجمع مزاياه فالحال =مالحق غصون الكرم وسط غابه
عذري بإن الممتدح مثل همال =وش تجمع كفوف البشر من سحابه

هذه احد اعمالي عند عودت بابا عبدالله ابو متعب
لدياره سالما
اخترت اغنية راشد الماجد وقمت بتصميمي المتواضع
ارجو من المبدعين في هذا الصرح انتقاداتهم
وملاحظاتهم البناءه التي تعودناها من عمالقة هذا الصرح السامي
باعضاءه وادارته المميزه