عـل دربً مايـجـيـبـك للـدمـار = وعـل عـيـنً ماتـشوفـك للعما
انت يمين القلب والعالم يسار = انت كل الكون من ارض وسما
انت شمسي وانت ليلي والنهار = في جبينك نور وبثغرك لما
من بياض الخد لحدود الحمار = سلسبيل الريق من بعد الضما
رشفةٍ من ريق معسول الثمار = من رحيق شفاه لحدود الجما
للرموش العكش لحدود السمار = لا تثنى ظلها تحت الحما
والعيون اللي تحت ذاك الخمار = هي طعون الرمش او نزف الدما
من تصيبه نظرة عيونك مجار = نظرتك ترميه كان الله رما
كنها تشريف او رد اعتبار = او جيوشً في نؤاياها دهما
جعل من وداك عن قلبي نهار = ينحرم من لذ جنات اللما
وكل دربً مايودي لك دمار = وكل عينً ماتسمي للعما

>
.
لليل رهـبه تـشبه عـيـونـك السود
،، يـاويـل حـالـي كل مايـقــبــل الـلـيــل
أسج ماكـني مع الـناس مـوجـود
،، وأسرح بفكري وش تجـيب المقابـيـل
.
.

رمتني الصدفه بساحل عيونك = ووقفت أطالع سلهمة نجلك السود
أقطع خيوط الشك دوني ودونك = ولك ماتبي مني بلا شرط وقيود
هـونك علّي بطعنة الرمش هونك= قلت أرحمي ماقلت لك أطعني زود
أرسم لك ألوان القوافي بلونك = وأخلــّـدك بالشـعـر يالـيّـن الـعـود
أرقاك برجوم القصايد وأصونك = عن عاذلٍ حاسـد وعن كل منقود
وكان الشعر يقـدر يحرك شجونك = أكتبك شعرً مانكتب من عصر هـود
تأكدي كل المشاعر يـبـونك = كلي وفــا .. كلي مـواثـيـق وعـهـود
لــو غبت عني نظرتي ماتخونك = تبقى معي موجود لو مانت موجود
أن جيت يستولي فضا الحلم كونك = وأن رحت صرت لكل الاحلام موعود
يصادف الـتغــيـيـر .. صعبك وهونك = ويـبادل الحرمان .. بأقبال وصدود
ومـادامها الصدفـه عطـتـني عيونك = أصير لك موطن موده بلا حدود

>
.
ساعد في نشر والارتقاء بنا عبر مشاركة رأيك في الفيس بوك

راااائعه من رااااقي
سلمت يداك وصح لسانك مليوون
ولايكفووون

الشاعر منصور الرويلي
صح السانك واعتلا شانك
فشعرك ابدع وامتاع و رقي

وفقك الله

ورعاك

ودي وتقديري
ماجد الرتيق

جميل أنت يالرويلي دائما

صح كلك ياعذب

وكان الشعر يقدر يحـرك شجونـك
أكتبك شعرً مانكتب من عصر هـود

الله الله عليك ياامنصور

حضوور من نوع اخر

رائع راائع

راق لي مااوجدته هنا

حضوور اكثر من راائع

اجدت الحبك والسبك

سجل اعجابي

محمد

الف صح السانك شاعرنا

دمت في حما الرحمان

المهيدات

الرويلي منصور

صح الله لسانك

اهلا وسهلا بك حياك الله
ماشاءالله كل بيت يقول الزين عندي
روائع نثرتها يداك
صح لسانك ملايين ولايكفون
وتسلم يمينك من النار
ولاهانت يسارك دمت بخير لاينتهي

مرور للرفع
تقديري واحترامي
ذكرى الغالي