شديت برحل

لاتزعلي مني مدامك مع الغير= شديت برحل والعذر في غيابي
ممكن يكون البعد عن دنيتك خير = وممكن يكون البعد اول عذابي
بصبر واقاوم دامني عازم السير=خلاص يكفي ما رحل من شبابي
في الاوله جاني من العقل تحذير = لكن قلبي في دروبك سرابي
والثانية مني حصل كل تقصير=طاوعت قلبي والنتيجة سرابي
مني لكم في كل الاحوال تقدير= والشكركل الشكربآخر كتابي

غلطة حياتي

نعم انا في دنيتي ما سليتك=نعم تحملت كل شيء ولا فاد
لحد بيتك في البدايةاجيتك=صديت عني والاسى داخلي زاد
ياما وياما في حياتي رجيتك= طعنات غدرك خلفت كره واحقاد
بكل ما املك وربي حميتك=والقلب لك في كل الاحوال ينقاد
انت الوحيد بكل كلمة هويتك=وانت الوحيد اللي رصيده بيزداد
هدمتني ياحيف وانا بنيتك=معقول تجازيني باغلال واصفاد
غلطة حياتي للاسف ما قريتك=ما كنت اظنك تنكر الملح والزاد
انا خلاص من فؤادي لغيتك=دور لغيري يمكن الغير معتاد
رغم الجروح في دنيتي ما رميتك=اتابعك عن بعد من غير ميعاد
اليوم انا ندمان على ما عطيتك=طاوعت فيني للاسف قول حساد
اسهر طوال الليل واقول ليتك=ما تزيد همي داخل الصدر اعداد

تعال شوف

تعال شوف الحال ياسيدوشلون=واحكم بنفسك قبل ظلمك يجيني

ما تدري ان القلب لليوم محزون=وان الفرح ما يوم رافق سنيني

كلمة احبك مالهاشكل او لون=تساوت الكلمات قدام عيني

حروفهاتملأ مجالات في الكون=وتغيب من اعوام بينك وبيني

كل الحواس على فقدهااليوم يبكون=واكبر دليل القلب مهموم فيني

تعال عجل قبل ما اكون مجنون=اصبح علاج الاه ما هو بيديني

تدري وادري

انصحك ياقلبي تكون بين الاضلاع=لا تروح عن دربي مسافه بعيده
ما حولك الا للاسف بعض الاوجاع=وجروح في كل الاماكن وليده
لاتلتفت وادرس معي كل الاوضاع=واسلك معي كل الدروب المفيده
ادري ياقلبي حولك اليوم اطماع=والآه من قول الخواطر شديده
سرك معي اخفيه لوتجهره شاع=والدمع يكتب فوق خدك قصيده
ادري بانك بين الاضلاع ملتاع=وادري معاك النفس وايد عنيده
تدري وادري حولنا ناس انواع=لكن معي فكر بخطوة جديده
نخرج انا وانته برغبه من القاع=ونعيش نحلم بالاماني السعيده

احساس

احساس في داخلي اخفيه =وطريق طالت مسافاته
في داخلي قلب كيف ارضيه=ما قدرت اخفف معاناته
الاه ما قدرت انا امحيه=والقلب غارق في اهاته
بيدي انهدم كل ما ابنيه=بيدي انحرم من علاقاته
في كل لحظة افكر فيه=وين الخطا في حساباته
لو كان بيدي انا ارضيه=ماهمني العمر لو فاته
لو يطلب الروح راح اعطيه=روحي وقلبي ودقاته
الخوف العمر ما يكفيه= ويموت من كثر حسراته

منقووول
ساعد في نشر والارتقاء بنا عبر مشاركة رأيك في الفيس بوك

يستاهل علي

الله الله الله ي فاقد بل جامع الروح
تستحق خمس نجوم على هكذا انتقاء
ويستحق علي على هكذا روحه خمس نجوم
الله يسعد قلبك
انتقاء عذب
تسلم يمينك
دمت بخير لاينتهي

روائع طرحتها هنا
تسلم يمينك
دمت بخير لاينتهي

تسلم يمينك ياقدير
ابورحمه يستاهل
لروحك وروحه عبق الياسمين
تقبل مروري

قمة في الروعة
وذائقة متميزة وفريدة
يعطيك الف عافية

يعطيك العافيه

انتقاء رائع ومميز

تسلم الايادي

ودي وتقديري لروحك

كل الشكر لكـ ولهذا العطاء الجميل
الله يعطيكـ العافيه يارب
خالص مودتى لكـ