قصيدة ياخو نوره يطلقها الشاعر الرائع منصور الغازي العتيبي
تحكي معاناة الشعب السعودي بإسره مع الفساد وتدني احوال المعيشه يوم عن الاخر



نص القصيده /


ندا عاجـــل من الشعب السعـــودي للمليك الآن
رسالـــــه صــوت معنيـه غريبـــه في صياغتهـــا

تجي عند الملك في هاتفه تصهل صهيل احصان
ولاتــاقـف على مكــتب ولايطلــــب ءافادتهـــــا

ياعبدالله ياخو نوره ترى الوضع السعودي شــان
ظـروف الشعـب تعبانـه اتحمـل فوق طاقتهــــا

تدارك ولتفـت وجمــع ولـي العهـــد مع سلمـــان
وشوفو مملكـة حسن النوايـــا ويش حاجتهـــا

ترى ثلثيــن من شعبـــك يمــوت ويترك اليتمـــان
وترى كل الرعـــاه اتمـوت وتسأل عن رعيتهـــا

أمـن وآمـــان في دارك يابو متعب أمـن وآمـــان
قياتــدكم لهــا هيبـــه على العالـــم وقادتهــــا

تظل الشعــب في ظلك ولا ودك يجي نقصــان
لكن المشكلــه من خمــه القسمــه وشلتهــا

اذا مدت يمينـك خيـــر ضــاع الخيـــر ياذيبـــــــان
ثعالب مجلس الشـورى تعارض نصف مدتهــا

بشـر ماهمهـــا ذمــه ومصرفهــا على الديـــوان
يحسن وضعها واللي بقى في شيك شرهتها

يجي ويكنـدها وافـي مابيـن ادبـي مع لبنـــــان
واذا هبت سموم الصيف يم الغرب فسحتهــا

ولاتـدري عـن الحاجـــه ولاقـد زارهـــــا ديــــــان
ولاتكتـب معـاريض العطـا من شــان لقمتهـــا

واذا قلتـو نزيـد الشعب قالـو شعبكـم فسقـــان
نحولهــا على الخــارج لجـل نربــط علاقتهـــــا

تدور المصلحـــه واللي كسبهــا داخل الميــدان
مثل ماعقـرب الساعـه تدور ابوسط ساعتهــا

ملاييــن الدراهـــم وش يحللهـــا على البلــــدان
وشوف ان القريب اولى عن الحاجــه ومنتهــــا

غـلا وسعــار مرفوعـه ولاعنـد الرقابـــه شـــــان
سياسـه والجيـوب الفاضيــه تتبع سياستهــــا

سمو الشيخ والتاجر رمى حملــه على الغلبــان
يسهـل لـه عـروض وياخـــذ الراتـب علاوتهــــا

واذا يسهـل على التـاجر يزيد الكيل والميــــزان
اجل وشلون في ناس(ن)ظروف الوقت حدتها

ماقول الا ياخو نوره ترى الوضع السعودي شان
ظـروف الشعب تعبانـه اتحمـل فـوق طاقتهـــا





منقوووولهـ
ساعد في نشر والارتقاء بنا عبر مشاركة رأيك في الفيس بوك

صح لسانه .. وسلمت يمين ناقلها

ولكن ارى ان فيه شوي اجحاف في التظلم للملك ..

صح ان الشعب ينقصه بعض الشيء

ولكن ليس بهذه الصورة

وجهة نظر

صح لسانه وبيض الله وجهه
وتسلم يمينك اخوي على النقل
من جد وضع الشعب السعودي تعبان

طاب منقووولك اخي محمد الاهنت

صح لسان الشاعر
وسلمت يدآك
احترامي

صح ذوقك واختيارك

انتقاء مبدع اخوي/ محمد

لا تحرمنا جديدك

ناهض

الوداع الاخير

مابنكسر صابر

ذكرى الغالي

هواوي سدير


اشكر لكم مروركم الكريم

لاخلا ولاعدم

محمد

طرحاً تجلت بالجمآل ,,,,,
وعزف يغشآه عِطر مسك ,,,,,
لروحك بآقة ورد ,,,,,

إختيار موفق ينبيء عن ذائقة شفيفة


وطبت

ماشاء الله

اختيار جميل

وراقي بالفعل

يعطيك العافية

ودام لنا هذا الاختيار المتميز

ودي

اخوك
علي الحزمي