مدخل:
سمعته مرة يقول لي
اقول لك شي يافهد عن حبيبتي......
قلت له قول يارجل!!!!
قال انا عمداً ازعلها عارف ليش......!!!!
قلت ليش!!!!!!
قال لان فتنتها وحلاها وقت الزعل يصير شي....واي شي!!!!!....حلا فوق الحلا!!!

فأنشدت قآئلا:

بسم الله أبدأ
:::::::::
الجادل اللي ضحكته بسمة الحيّ
كل البشر من شان زينه تداريه

ضحكة غنج مع زود فتنه على غيّ
سبحانه اللي صاغ حسنه و معطيه

حتى الزعل في وجنته زادها ضيّ
بالعمد نزعل حضرته ثم نرضيه

الناس تزعل والغضي لا زعل شيّ
شي ٍ غريب ولا وصفنا معانيه

انت الغدير اللي سقى مهجتي ميّ
مي ٍ روينا و أرتوينا سواقيه

وانت الظلال اللي عطى عمرنا فيّ
في ٍ نسانيس الهوى عامره فيه

وانت الذي حطيت كي ٍ على كيّ
كي ٍ قديم و كي وصلك يشافيه

وانت الذي حبك ترى مـثـــّـر ٍ بيّ
تأثير واضح بيّنت بي مواريه

أرجوك داري خاطري دامني حيّ
قدام حسّـاب الخطا و المشاريه

وإلا ترى الأوضاع من سي في سيّ
و أظن مثلك ما يبي زود تـنبيه

مخرج
لا اله الا انت سبحانك اني كنت من الظالمين


قلم:فهد البدر

ساعد في نشر والارتقاء بنا عبر مشاركة رأيك في الفيس بوك

صح لسانك
رسمت بالكلمات لوحة جمالية باحساس الشاعر
وبراعة الرسّام

أخي فهد البدر دمت بخير

صح لسانك مليون
سلمت يداك من كل سوء
إحترامي وتقديري

ماشاءالله على نصوصك

المتميزة

وهي من وحي الخيال

تسلب العقول

صح لسانك مليون ولايكفون
وتسلم يدينك

ابداع منقطع النظير

بانتظار جديدك

دمت بخير لاينتهي

حضوور مطرز بالجمال والعذووبه

ابدعت بحق

محمد