بمناسبة زواج أحد الأصدقاء

مبروك يا الغالي عسى العرس مبروك = ومبروك ما سويت والله يبارك

يا بو سعد ابي العذر منك يا خوك = ولولا الظرو٠ف الكايدة جيت أشارك

وكتبت هالبيتين وارجوك ارجوك = لا جاتك البيتين .. حدد مسارك

ترى زواجك نص دينك وأنا خوك = وتراك مسؤؤل عن أهلك ودارك

افتح لهم صفحة جديدة من البوك = واشغل بهم ليلك ..وباقي نهارك

اخذتها من بيت أهلها وبروك = والبر والمعروف طبعك وفالك

وإن كان أمك دنيتك إنت ..وابوك = تراك دنياها .. وأهلها لحالك

وإن جاك شيطان البشر قال لك دوك = نبي السفر ..للديره اللي فبالك

قل له توكل بابنا صار مصكوك = وإذا زعل ..خله يدور بدالك

واستبدله باللي على الخير دلوك = اللي حداهم ذخر لو قل مالك

واللي على الشدة ليا جتك عانوك = ووقت الرخاء زينه وباهي جمالك

وختامها يا ابو سعد ألف مبروك = ومبروك ما سويت والله يبارك
ساعد في نشر والارتقاء بنا عبر مشاركة رأيك في الفيس بوك

قصيدة أنيقة كصاحبها كلها خير وصدق
دمت للخير داعياً

أشكر مرورك الكريم أخي أبو علاء أسعدني حسن ظنك بالقصيدة وكاتبها جعلنا الله خيرا مما تظنون

ونعم من الناصح والمنصوح
وليته الف الف مبروك
جزله من رأس جزل

احترامي وتقديري
المهيدات

والنعم فيك أخي الحبيب أبو مهيد
هذا بعض أفضالك استاذ محمد
شرفني مرورك وطيب ثنائك

طرح جميل
وفقكم الله وسدد خطاكم

المشاركة الأصلية كتبت بواسطة الشاعر ماجد بن رتيق

طرح جميل
وفقكم الله وسدد خطاكم

آمين و إياك أخي الحبيب والأجمل هو مرورك شاعرنا الكبير ماجد الرتيق