المشاركة الأصلية كتبت بواسطة مقرن بن زقيع

السلام عليكم ورحمة الله وبركاته

عذرا على على هذا الانقطاع ولعها تشفع لي
قصيده موجهه لي من ابن عمي وهو محل اخوي الشاعر // ماجد بن سلطان بن زقيع
يقول فيها

الله من نـــارن تزايــــد وهــجها=في وسط قلبي ضوها يوهج وهاج
امسيـــــت بديارن اوساع فججها=واصبحت ادورلي مع الدرب منهاج
دنين عجــــزنا لانعدل عــــوجها=واليا عدلنا مــــايلن عـــــاد ونعاج
ياعيني الـــــي هم وقتي سهجها=تمسي بسوهاجن وتصبح بسوهاج
على الذي حــــدب الحنايا فلجها=مافـــاد فيها طــب دكـــتور وعلاج
لاسلهمت بعــــيونها مع غنجها=خــلت فواد الجـــوف للحب ينباج
يامقرن ابن زقيع حالي لهجها=فرقــــا وليفن صـــد عنـــي للفلاج
عجزت من قولت على الله فرجها=الشوق يلعبي كمــــا لعب الامـــواج

وهذا ردي عليه

وانفسي اللي صابها مارهجها=من ليلة البارح وهي ترهج ارهاج
حطيتني ياماجد ابمعتلجها=وانا مانيب لاناقصٍ هم وازعاج
النفس صبرها والاقدام سجها=يقوله اللي غادٍ لقلبه اخلاج
طرقتك وعره تتعب اللي نهجها=وكم خيرٍ قبلك يباايات مخراج
واما قنعت ابشر وقدم حججها=وانامعك في اللين ولافي الاحراج
حتيش لوانه بعادٍ فججها=تهون لوهي كبر ابانات وسواج
بغوص غبتها واعدل عرجها=كله لجل شكواك لوادلج ادلاج
وانته ذخاير من خيوله سرجها=اللي لخيل القوم بالسيف بعاج

وسلامتكم

الاخ الشاعر الاستاذ :: مقرن زقيع صح بوحك صح لسانك ولسانه عزالله ان البدع جزل والرد جزل وكلكم جزلين لاهنتوا تقبل فائق تقديري

قصيده رائع مشاء الله عليك

كلمات غايه فى الروعه والاحساس

تحياتى لاسلوب مميز دائما

سلمت يداك التي صاغت هذه الرائعه
وصح لسانك مدد بليااااا عدد
تقديري واحترامي
لشخصك وبوحك الراقي
ذكرى الغالي