الأنواس مادري ويش تحليل الأنواس
نبي موجز التحليل يا أحمد .. شتيوي


وانا خابر انك فالمهمات نبراس
ولاغرك البصاص. والا. الخليوي



الخليوي

ياخليوي,, قله الاماكن تسمى بالانواس
هذا الخبر ياصلك طازج على البث
خبر مباشر يسالك عن الابخاس
ولا غرني بصاص ولادري وٍِش يبث

يبث قلبي من المعزة رسائل

وانت اعز انسان شافته عيني

عيني عن الشوف معـذوره
من غيبتك نـورهـــا طــافي

مــا دام بـالقلبــــ لك صـوره
يشهد على شوفتك قافي

قــافي

ماني فاهم كيف شروط اللعبه

لكن اذا المطلوب ابدأ بالمفرده بسم الله بحاول ..

قافي على نظم القصيد احترافي
وجزالة ابياتي ولكني انسى

مابين طرف عيون الفي وكافي
بحراُ من احزاني ولافيه مرسى

بحر القصيد~

( مرسى )

لك يابحر القصيد

مرسى ولابه يابيض الوجه مرسى =الا ليا من جبت جزل القوافي
وتلاحي الشعار في كل ممسى=وتاخذ وتعطي باللقاء ماتخافي

تسلم والله يابعدي وصح لسانك استاذي

ما تخافي يااللحون السامريه
ولك يابدر مني وانا مالي عذر

ياتاج راس الشعر ياابن الحميه
انا البحر وانت السماء ليلة بدر

يامكسبي والله مالك عليّه
في جيتك قلدتني وسام الشعر

بحر القصيد~

( الشعر )

تستاهل ازود يانقي
ولك أيضاً يالبحر

الشعر يبغى روس قومٍ صليفه= تاتي بجزل القاف من دون تكسير.
وانته أمير الشعر وانت الخليفه=ياشاعرٍ ترهب كبار الشواعير.
وبالمختصر لاتقرب النار ليفه=وتالع على اللي ماتجيد التعابير
ولو انتضامن يالقلوب النظيفه=أن كان جبنا الراهيات النوادير
فرايدٍ منها تحسون خيفه=وعليكم اثقل من أبانات والنير

تستاهل الخير اخوي وصح لسانك يابعدي

وهذي لك..

والنير نور الحق جلاي الظلام=واصدق من البراق بعيون البدو
واول سحابة صادفت شهر الصيام=يوم امطرت وسهيل وسّمها وحدو
غنيت انا للصمت بعيوني كلام=وللمهره اللي بعد فارسها غدو
واروع حمامه طاارت بسرب السلام=وانا براس الرجم وجنوني عدو
قالوا لا جاك الهم هوّنها وتنام=وانا الذي مانمت والناس ارقدو
أي والله ان الحب مايعمل حرام=الحب رحمة لكن الناس احقدو
ولا فيه حبٍ ينولد دون احترام=قبلي وقبلك كم شعّار قصدو
وما غير انا ويّاك في جنح الظلام=لا هيجن البدوان هيجنّا وحدو

بحر القصيد~