فارس العشق
******
عندما شاع الغرام=في هوى بنت الملثم
صار يعوي كل حينٍ=ظنهُ قد صارَ ضيغم
واستغل العشق ضدي=في هواكِ صار يحكم
ويحكَ كلب المراعي=من حروفي سوف تهزم
إنّني اهوى المنايا=من حياة الذّل أرحم
كيف ظنوا في هواها؟=اقبل الذّل واظلم!
هل مشا مثلي طريقاً؟=طعمها قد كان علقم!
في سبيل العشق افنا=في سبيل الحب اغنم
لن اداريكَ سفيها=ايها الدّاعي ألملثم
يا ملثّم كم ستعوي=عشقنا للحبِ معلم
كم تبادلنا الهدايا=كم لنا الصّبحُ تبسم
فاسمعيني يا غرامي=لا تقولي كيف نُحسم؟
انّني رغم المآسي=في لماكِ صرتُ مغرم
يا فؤاداً في فؤادي=من لضى الشوقِ تفحم
همهُ رؤيا حبيبا=بالتلاقي صار يحلم
فالبسي ثوب الاماني=واجعلي الاشواق بلسم
وانطري يوم التلاقي=علمهُ الله اعلم
فانزفيني واكتبيني=واشربي كاس المكارم
فارسُ العشقِ قتيلاً=وابنةُ الانذالِ تحرم

الفرق واضح
***********
العقل نعمه كبيره للذي يخشى الكريم=واللذي يهوى المكيده صحبته نفخة سبيل
نهتوي اهل المراجل واللذي علّمه نديم=واللذي نفّسه رذيله للأسف بلقا رذيل
واللذي يهوى المعارف متسع صدره حليم=واللذي عينه لنفسه ضايقن صدره عليل
الفرق واضح ي/ربعي شبه نار(ن) بالهشيم=ذا يعمّر بالعلم له ثمّ ياتي ذا ويهيل
ذا يحافظ عالمجالس للعلم دايم مقيم=ذا يحافظ عالجّهاله راس ماله هالبيل
ذا تسلح بالمكارم من حلا علم(ن) حكيم=ذا سلاحه عنجهيه ما يشوف الا القليل
ذا مكانه بالمعالي نور يشرق مستديم=ذا غمامه عالقلب لك حملها دايم ثقيل
ذا تبّسم من تشوفه مبتسم دايم رحيم=ذا تعوذ من تشوفه نظرته قال(ن) وقيل
ذا تودّه ثم تودّه ثم تودّه يا فهيم=ذا تغثّه ثم تغثّه ثم تغثّه لو صقيل
والعلم درب المحبّه والتّواضع له يديم=والجّهل يعمي البصيره للحقد دايم يميل
والتّمامه الحمد لله عالم الغيب العليم=والصّلاه ع/الي هدانا صاحب الخلق الجميل

مهيدي قالها واقفا
****************
انا لا من بغيت اكتب قصيدي عشت أحلامك=واذا ما كنت لي مصدّق تبدّل حالي في مالك
وعشت الواقع فعمرك كانّي صحبة ايامك=باحزانك بافراحك فهيم وعالم بحالك
سالتك وينها الغيبه خذتني موجة ألامك=كواني دمعك الحراق وجرحن صار ترحالك
وضّيقه كاتمه ب//صدرك تجيّش جيش أقلامك=على بيض الورق يكتب يحزني طيبن فالك
يورده في قصر وردي عذاب وغدر قد ظامك=رقيقه وعشتي في كذبه ضحية حب امثالك
نصيحه يا فنر هالكون تصكي ابواب ظلامك=وأنسي حبّك الظّالم وخلّي الفرح في جالك
وعدّي ما مضى قصه تشوفيها بافلامك=دموعك تنسكب وقته وتخفيها ف/طرف شالك
نصايح بعتها جمله خذيها راية اعلامك=مهيدي قالها واقفا عسى تتحقق امالك
على خبري م/فيه ميّت نهض من لحده ولامك=واكيد انتي تعيدينه ودايم خاطر ف/بالك

هاذي حياتي
**********

قم يا هجوسي واصل القمه=دام الفطايس جمهرة رخمان
ما عاش راسن يحتري رمه=دام العمر في آخره كتمان
مثلي صقر ما همه ما همه=يريحي ويقنص قنصته جمان
اقنص وسبعن فاتحن ثمه=صوته جعاجع جعجعة فقمان
ماني من اللي لرتجف يمه=سودا المخاوف تنرجم رجمان
(1)يوم الولاده من فدعْ عمه=تابع محمد لا عمى وصمان
(2)نسلي مهيدي من الوغا دمه=أقحم عدوّي واتّقي الرّحمان
وانثر قصيدي للملا حكمه=وآخذ نصايح حكمته لقمان
لأنّي مهيدي والأصل قمه=عاشق بقاعك يالحفر ندمان

وجَمَمْتُ المكيالَ وأَجْمَمْتُه، فهو جَمّان إِذا بلغ الكيلُ جُمامَه

أنهض ي/ماجد
************
أعتب ملومك بالعتب زوّد وزيد=ما كان ودّي بالصّدر يبقى عتب
دام المحبّه بالعتب دايم تزيد=ليه العتب تخفي وانا صدري رحب
مثلي انا دايم نقاته من فريد=نادر وجودك يالخوي حقّك وجب
أذبح وقدّم لو بأذبح لك حفيد=وآخر مساهرنا عناقيد العنب
دام الاخوّه من خفوقي للوريد=اشعل بنارك من ضلوعي لك حطب
خذها نصيحه من خويّك يا رشيد=من عاش شوالك بيستنّى رجب
انهض ي/ماجد للاخوّه من جديد=ساعة زعل ملحة صداقه من ذهب
هذا اعتذاري يا عسى عمرك مديد=ما عاش راسي لو تملكنا غضب

أبدويّن يا صبيه
************
أرجعي لابك نشوف من البدايه وش جرى=كان ودّك تعرفيني أفهمي آخر كلام
أدّلايل واضحاتن كنّها بيض النّقا=شمس تشرق في حياتي من بعد زول الغمام
ألتقينا والتّمادي والتّعدي والخطا=جاني منّك وانتهيتي من حياتي بالخصام
تغلطي ثم ترجعي ثم تطلبي منّي بقا=ثم تقولي يا حبيبي عدّها لذّة غرام
صح تطوّرنا وصرنا نرسل الكلمه سوى=عبرنتّن في جيوبه لعنّة ابليس وظلام
أبدويّن يا صبيّه ما عرف طعم الكرى=عزّتي فوق المعالي راس مالي والحسام
جيب لكسس ما عرفته مهرتي صقرن رها= جلسةِ فيها النشامى عشق روحي والهيام
والمقانص ترتجيني من قدم رجلي وطا=طيرها مع ضبعها في فجرها نوح الحمام
برسل الصّوره وتوشوفي دلّتي ونار الصفا=بندقيتي والأصيله والزّخارف ع/اللجام
ماكذبتك ما وهقتك ما جرحتك بالخفا=ما طعنتك بالخناجر بعدها قلت السلام

مالي بهالدّنيا عشير
***************
قم يا شعوري واستثير=خيل المعاني خيلها
ماني بطامع بالكثير=اشرب وغذّي سيلها
امس القوافي كالضّرير=تايه وتاعب حيلها
تبغى الصراحه لا تحير=حام ابحمايه أيلها
أشقر وجاني مستجير=يبغى المحاني مقيلها
يسأل تواصل بالمسير=ولّا تعدّل ميلها
قلت المحاني ما تصير=مسكن ومرتع ليلها
وش حيلتي دامي اسير=شمس الصّبايا وجيلها
دامي على وقت الهجير=اقصد فيافي مغيلها
والله لو تهدي حرير=واطفح ذهب من هيلها
مالي بهالدّنيا عشير=الّا حياتي وأيلها

والمِغْيالُ: الشجرةُ المُلْتَفَّةُ الأفْنانِ، الوارِفةُ الظِلالِ

ناسكة ليل الدّجا
*************
لا تكابر يا خفوقي الهوى ماهو حرام=الهوى بسمة رضيعن لا ضحك سوّى العجاب
لا تكابر والقدرغصبن جمعنا فالغرام=القدر يبدي وينهي والخوافي فالغياب
لا تكابر يا خفوقي نفتهم ايش المرام=نهدمه بيت الألم ثم نحتسي عذب الشراب
ننتشي ليله بعمر في جبّها برد وغيام=والدّفا لحفة هوانا والغبن لحظة عتاب
خلّها تسري فعروقي وارتوي بعد الصيام=انحنى جذع الصّبابه وانخلع ضرسن وناب
من تواصيفه أحبّه تختلف غير الأنام= بعثرت فيني المشاعر وامتزج روحي الشّياب
حانيه ربّي خلقها همسها عذب الكلام=صوتها سحر ونغم من ريقها شهد ورضاب
تجمع اوصاف الحسن في عينها قوس وسهام=طولها طول الرّمح يا خصرها صفحه بكتاب
مشيها من فوق حبات الجّمر وسط الزّحام=ناسكة ليل الدّجا من خوفها رب الحساب
والصّدر ساحة مطايا لا بدا منّي خصام=حالها كود الغزاله ترتجف خوف الذياب
لاجلها لسهر ليالي منتبه اضرب سلام=عسكري يوم المعارك يهتوي خوض الصّعاب

1- لحفة :- في لهجتنا الغطاء الذي يكون اسمك من الحرام ويعمل من الصوف او القطن
2- الشيّاب :- والشِّيابُ اسمُ ما يُمْزَجُ.
وسَقاه الذَّوْبَ بالشَّوْبِ؛ الذَّوْبُ: العَسَلُ؛ والشَّوْبُ: ما شُبْتَه به من ماءٍ أَو لَبنٍ.
وحكى ابنُ الأَعرابي: ما عندي شَوْبٌ ولا رَوْبٌ؛ فالشَّوْبُ العَسَل، والرَّوْبُ اللَّبنُ الرَّائِبُ؛
وقيل: الشَّوْبُ العَسَلُ، والرَّوْبُ اللَّبَنُ، من غيرِ أَن يُحَدَّا؛

بعثريني لملميني
*************
رددي كلمة احبك وحشري قلبي بضيق=بين نبضات المحاني ادفعيني بالوريد
بعثريني لملميني اجمعيني من رحيق=زهرة السوسن وزنبق فصّلي ثوبن جديد
غربلي فيك المواجع اجهضي حزن(ن) رفيق=عاشقن مغرم بحبك يا امل عمري الوحيد
واسكني حوش المحاني وشربي كاس(ن) عتيق=مختمركاس السّعاده نشوته عشقن مريد
تسأليني عن عجايب والعجب صوتك رقيق=والخصر اهيف وطولك من جدايل يستزيد
عدّدو بالدنيا سبعه لجل عينك تستفيق=الهرم يبكي ثباته ينتظر يوم الوعيد
من كتب كفك عبابه صرخته نحب وشهيق=ينتظر هب الجنوبي يا عسى عمرك مديد
نختصر وانشوف بابل كيف طاحت من عليق=دمّرت خطوة جنابك من عجايبنا الفريد
حتّى بترا من عيونك سيحها صاير مضيق=لونها احمر ووردي جمرة افراق الوليد
سور هالصين المعظّم سوت احجاره فريق=داعيه تصبح عقد لك تلبسينه يوم عيد
أمّا باقي هالعجايب حالها حال الشريق=اشعلت شمعة املنا من غلا دايم يزيد
حتىّ ليلي كيف حالي من غدا قلبي غريق=بين صكات الاماني بين كفّن من حديد
بعثريني لملميني اشعلي جوفي حريق=واستمري في مسيرك من خفوقي للوريد