خلوووووووها

قالوا ترى كثر السلام يقلل قيمة الصحبه
هات المراد اللي عشانه نبي نشق القربه
ولا انته بن زهيرن ولا انته من ولد عتبه
رفرفي يا راية العز العليه رفرفي
\
\

متاعك ناقصن ياللي على شفّ الغدير اتحوم
............. تبي تشرب ولكنك بلا كاسه ولازبادي
وانا واحد غرفت اللي قسم لي ربنا بالكوم
............ ولا باقي بحر أو برّ الا فيهي اولادي

باقي الليل الطويل وباقي المعنى بحر
لا تعجل يا عميلي ماستوى شق النحر
والذليل ان ضاق دربه سم عمره وانتحر
رفرفي يا راية العز العلية رفرفي

/

وليه اتكبر اللقمه وماعندك سوى حلقوم
...................صغيرٍ مثل حلقوم الجراد ابجرهد الوادي
ولا لك في هل العوجا ولالك في بني مكتوم
...............سوى السيفين والنخله تظمك في ثرا بلادي

الله الله ما أروعكم يا احبابي
شكرا لكم على المحاورة الجميلة
دمتم بود ومحبة لكم مني أرق تحية

خلوووووها

ماعلى ذيب البراري من شحوم النعاج
مايبي غير اللحم والباقي روّح للعجاج
تاكله ضبعةَ الصحرا أو تحول للخماج
رفرفي يا راية العز العلية رفرفي
\
\

إذا جينا على الأنساب تراني في القدر محشوم
........... ولد كنّدة وسماها النبي بأقيال من غادي
مولكن للعرب نزها بخيلانن وجد وعموم
........... ولاهو من ذنوبي لو جهل جاهل بميلادي

المشاركة الأصلية كتبت بواسطة مها يوسف

الله الله ما أروعكم يا احبابي
شكرا لكم على المحاورة الجميلة
دمتم بود ومحبة لكم مني أرق تحية

العزيزة المها
الاروع هي متابعتك يالغلا
وان اشهد انك صف كامل للمحاورة
الله لا يخلينا منك

وينك يابو حميد طولت علينا هههههههه
وإلا رحت صلاة التهجد

نعم يا كنده وضو النار يخلفها الرماد
يا عميلٍ في ليال العشر كنك في جماد
والله ان البث والشكوى على رب العباد
رفرفي يا راية العز العليه رفرفي

رعاك الله يا عهدٍ يصير الخادم المخدوم
..................وصوت البوم في ليلك تقول العندل الشادي
عليك الله لا تفسد مشاربنا من الزقوم
..................ترا فيني مية شاعر وخمسين الف نقادي

ماعليك زووود ياطيب

خلوووها


والله اني ما هجيت ولا زل مني اللسان
لكن العرب طبعهم حامي والمكيف خربان
وان سرى الساري في ليلتن ظلمه مابان
رفرفي يا راية العز العلية رفرفي
\
\

عسى عمرك طويلن والبشر ما منهم معصوم
.............. ولكن لاتجي حامي وتبغى ليلنا عادي
تفاخرت وتفاخرنا ولو إن الفخر مذموم
............. سقا الله يا زمانن فيه تغير كلّ ميعادي

العزيز الشاعر محمد المناع
صح لسانك ولا هنت وبيض الله وجهك
وكانت البداية منك والنهاية عندي
وتشرفت بهذا اللقاء معاك ولو انه كان حامي
ولكن تعرف هذه اساليب المحاورة
وفي الاخير نبقى جميعنا اخوان دين ودنيا وحرف ومعنى


والجيات اكثر من الرايحات بامر الله

تحيتي الطيبة لك
وجـل تقديري

بيض الله وجيهكم شعار كفوو

استمتعت بالمحاورة الحماسية