ماعاد فيني اشتكي من جفا الأمس = اليوم معه الأمس عندي سوية
ان قلت ابنسى واختصر زايد الرمس = ماعاد لأحلامي مكان وهوية
خابت هقاوي ضحكةٍ صابها عمس = طعنة صديقٍ بس كانت قوية
والحظ كنه يضرب الخمس بالخمس = كل عام يجني للعنا مزهرية
والورد يذبل كن مازارته شمس = ولاسقاه الغيم من عذب ميه
ميت ولايحييه حكيٍ ولاهمس = لو كانت عروقة مع الناس حيه
ماكنة الا جارته شجرة الدمس = تاخذ ولا تعطي شرابٍ وفية
وقلبي اللي منغمس بالوفا غمس = كل مانسيت القى لكم درب جية
ماكنة الا صابه من الغلا ومس = سيفٍ صقيلٍ مايبيعة خوية
اهديت لك كفٍ بريٍ عن اللمس = مالامسه الا اخوه ووليه
وقلبٍ عمى عن غيركم منطمس طمس = ومصباح كل مايشتعل مات ضّيه

تقهويني فناجيلك غلا ومارد لك فنجال=
=لك الله لو تمر سنين ماهزيت فنجالك

احبك كثر ماتحن الطيور لقصة الترحال=
=وكثر ماتعودت نفسي على بعدك وترحالك
واحبك كثر ماغصن القصايد لجل عينك مال =
=وكثر ماتطرب حروفي إذا مريت في بالك

ينام الشوق في حضن الخفوق ويحتريك البال=
=على درب العروق اللي سلكته أنت بالحالك

غرامك مابقى منه سوى وردة وقطعة شال=
=يجف الورد بس اسمك بشالي ينطر وصالك

قضى عمري وانا نفسي سجينة في غرام اطفال=
=تمنيتك سكن عمري وانا اللي احمل اطفالك

ولكن مرت سنيني وحلمي في لقاك اغتال=
=ولا باقي سوى شعري نقشته فوق تمثالك

ومات الصبح في لون الغروب وكل حزني جال=
=بنفسٍ دوم تدعي لك عسى فال السعد فالك

ابوي رباني على حشمة الناس = اللي يقدرني له القدر عندي
من مولدي وانا رفيعٍ بي الراس = بالدين والأخلاق ماهو بجدي
مارضى طرف ثوبي من الغير ينداس =وانا بعد لا ماتجاوزت حدي
شربت من مر المشاريب بالكاس = وياما كثير من البشر صار ندي
وامنت بأن الناس الوان واجناس = بصمة اصابع كل ضدٍ وضدي
جيت اتباهى بسيف حرفي وكراس = ماجيت ابين للبشر بيض خدي
للشعر بعيوني مواني للأحساس = اغوص ببحاره لو الود ودي
وجزيرةٍ يلعب بها الطرق نسناس = الحرف جزري والأحاسيس مدي
وفي كل معنى لي قبايل وجلاس = لاقلت شعري رايق الفكر ردي
مليت ابني في ثرى القاع لي ساس = كل مابنيته مايل الحظ هدي
ان جيت ابسكت ينكسر فيني الباس = ولامن حكيت يثور فيني تحدي
كانك ضعيف بحافر الكعب تنداس = ولا القوي كلٍ القوله يلدي
احترت في طبع البشر كيف ينقاس = الهزل يخلط بالعبارات جدي
للجلد لماسٍ وللثوب لباس = وانا جعلت الشعر ثوبي وجلدي

عمرك سمعت بميتٍ ينتظر حي = عمرك سمعت بحي ينطر وفاته
هذا انا في غيبتك ماني بشي = مثل الكريم اللي عجز عن عطاته
كتبت لك حرفٍ على صافي المي = كل ماتهزه ريح تنهي حياته
بعض الجروح احيان علاجها الكي = لو كان هذا لكي يعني مماته
تاتي عذاب واخذك يالغلا في = في ٍ يرّيح خافقك وامسياته
نفس الحكاية تنتهي مثل ماهي = كني سرابٍ يحتويني شتاته
بالله لاجيتك طلبتك غلا عي = حتى الغلا مابيه والقلب هاته
صديت عني دون اسباب وش فيّ = ذنبي حفظتك حب وانت امنياته
عجزت اجّمع راحتك بين اياديّ = نوم الغرام اعلن بقلبك سباته