كم كتم جوف الحنايا
****************

العيون اللي بتذبح مذبحت الا خفوق=سلهمة عينك بتشرح نسمه بصدري تذوب
ظنتي انّك شروده روقي حنا نروق=من صدفتك بالمفالي قلت خالي من عيوب
تسرقي عيني كراها والمسا يصبح شروق=هوني ربّك يهون ذنب أكبر من ذنوب
اعترف ذنبي أحبّك من فضيلات الحقوق=كم ذنوبن في حياتي عن ذنوبك ما اتوب
دنيتي صارت سحايب ديمها رعد وبروق=اعصفي فيني المشاعر حطمي كل القلوب
اغرسي ارضي بزهرك علها الليله تفوق=من ألم ذيك الليالي من جرح ذيك اللعوب
وعزفي صوت الحمامه اقهري صوتن نعوق=اسودن طبعه منافق بالعشق دايم كذوب
رفرفي طيري بسمايّ حطمي كل الفروق=لعنبو ذيك المسافه كم مشينا من دروب
كم كتم جوف الحنايا كم حبس آهن وموق=كم بكا شاطئ غرامي ساعة اشراق وغروب

ميت وابي منك جواب
*****************
جيتك أيا ديم السحاب=جفّت روافدها عروقي
جيتك أيا فرح الشباب=حبّك عنا كفّه صفوقي
جيتك وانا كلّي عتاب=أضحك بعد ذرفك لموقي
ودّي معاذير الغياب=ودّي عطاتك ياشفوقي
ودّي جزيلات الجّواب=تدمح أثر جرحك وشوقي
ودّي مذاريب العذاب=تصبح كما عفن الخروقي
يعني بساتيني خراب=طير الغبن امسى نعوقي
ينعق وانا خلفك سراب=ميّت أيا مدمي خفوقي
يعني قبل شد الرّكاب=افهم اذا تفهم طروقي
ميّت وابي منك جواب=إمّا غيابك أو شروقي

فهمي حروفي
***********
قولي علامك ما تردين السلام=ولا طفا نجمي وضنيتي مشاع
ولا مناتك يا عذاريب الهيام=يعلى مقامك تختفي خلف القناع
منتي تعاليتي على كل الانام=يومن عرفتك والهنا كيله بصاع
اعلي تعالي بس مهاديف السّهام=تعلي عليّه لعنبو حُبّن يباع
كنتي غريبه ترتعش وسط الزحام=وضحى ببيدا تستجر وقت الضّياع
جيتك عهوني وابتدينا فالكلام=قلت السلامه يا بنت نورك شعاع
قلبي خليّن من مجاديف الغرام=لاكن عيونك ثورت فيني اندفاع
ودّي تصيري في دُجا ليلي سلام=ودّي تكوني بالأمر مثنى ورباع
قلتي بامرك يا مناجيب الهُمام=عمري وقلبي والوفا امرك اطاع
لاكن صحينا وانكشف خافي المرام=ودّك تبيعي وتشتري قلب الشجاع
فهمي حروفي من مراويس الغرام=تلعن ابو حبك غدا سمّ(ن) وشاع

طعنت خفوقي
**********
هاذي القصيده من عنا قلبن تعلّق بالهوى=شوف القوافي ونظمها وفهم خوافي بحرها
جاني الأمل تالي العمر ريم البوادي قد غوى=سيد المراجل عشقها غاية مناها وسهرها
صار الفرح يغرس هنا داخل فؤادي والجوى=شفت الاماني تبتسم ليله تجلّا بدرها
قلت السّلامه يا ألم فارق حبيبي قد طوى=عبره دفينه بالصّدر بادي بوجهي اثرها
قال الألم دامي انا عشرة عمر عشنا سوى=ارقب هواكم عن بعد واكشف خوافي سرّها
واسمع نصيحه من ألم عانق خفوقك وانكوى=احذر تمادى بالعشق احذر مفاتن سحرها
لاكن غرامي مختلف اروى جذوري وارتوى=عهدن علينا ما نسج درب المحازن عمرها
اوّل بدايات الامر حبّن بميزان استوى=طابش شويّه مو مهم لولو وغالي سعرها
قالت احبّك وانتظر قلبي على قربك نوى=خذها وعودي يا حلم ربّي يتمّم امرها
بس الحقيقه بالعكس سار المؤشّر للورى=طعنت خفوقي والعذر حبّي ثقيل بصدرها
وين الوعد وين الصّبر وين الامل وين الهوى=قالت اماني عشتها ماتت بداية فجرها

يوم الاحد الموافق 24/6/2012
تلقيت نباء وفاة والدي رحمه الله وادخله فسيح جنانه
بعد دخوله مستشفى سمو الامير راشد لمدة اربعة ايام
فضاقة بي الدنيا وما رحبت

الخبر زلزل كياني واشتعـل فينـي لهيـب

والفكر في زاد قلبي والصّبـر يمّـه جميـل

والامر مهما نحاول الأمـر أمـر المجيـب

انتهى تاج المراجل واختفت شمس الاصيـل

مؤمنه يمّه عرفتك والحدث ماهـو غريـب

من قبل جدّي وخالي والنّبـي راع الجّميـل

كلّنا نمشي عدربـه ننتظـر يـوم المغيـب

نحتسب ما صار فينا والاجـر منّـه جزيـل

من سمع جانا يعزّي من بعيدن مـن قريـب

سألن سيد البرايـا يدخلـه مدخـل جليـل

والعزا فينا مخلّف سمعته مسكـن وطيـب

سلّمـي لله امـرك كفكفـي دمعـن هميـل

خلّني ربعي انادي جهّـزوا بيـت الحبيـب

والدّفن بعد العصر والعالم الله مـن نشيـل

جهّزوا سيد المراجل من جمع فيكم عطيـب

من ترك ستّت صقورن ما بدح سيفه الصقيل

والعصر شلته عكتفي ضايقن كوني الرّحيب

والعزم يـمّ المقابـر والثّـرا فوقـه نهيـل

ثابتن أخفي دموعي أعتصر همّـن رهيـب

والدّمع بلّل جفوني عالقبـر قبـل الرّحيـل

والحزن دقّة فؤادي والجّـرح عيـا يطيـب

والألم نيّخ ذلولـه بالصّـدر حملـه ثقيـل

والبكا في نصّ ليلي طفلتينـي يـا مجيـب

باكياتـن جدّهـن يتْسألـن ويـن الأصيـل

واحتضن دمعة بكاهن بالحشا نوح ونحيـب

موجعه فرقة ابويـه يالعلـي همّـي تزيـل

البستنا والبستهم هدمة الكذب
**********************
مدري علام الحبّ بايّامنا خاب=أشياء من أشياء من حبّنا طب
واللي يقولو حبّنا احساس كذّاب=صدق المشاعر مو على كيفهم غصب
من شفت انا ريم الفلا صرت منصاب=ذابت عروقي والهوى نارهم شب
الهب خفوقي والسّهر لجلهم طاب=لذّة حياتي عشقهم بالجوى دب
تذكر زعل يا صاحبي ليه العتاب=البستنا والبستهم هدمة الكذب
ليه الغزل ليه التّمادي ولعجاب=مير الحقيقه قلبكم ما عرف حب
تكتب غزل لجل الجماهير طلاب=صدق الكتابه من هوى الحبّ لا هب
تنهى خفوقك عن طبايع ولا تاب=حتى الصراحه يالشّهم شلتها ذنب
حبّ الوطن حبّ الاهل حبّ لصحاب=حبن مقدّس طفلنا يحسبه جُب
ألجيل نفس الجيل لا كان نصاب=حب الوطن يا صاحبي يصطبح نصب
مير العنوده بلسمن لي وتطّباب=سكر وذايب بالمعاليق ينصب

اعلنوها حربكم
*************
القصِفْ من فوقها روس المناعير=والعجي يلعن ابو ذيك العصابه
والعرب صفّت بنادقها قوارير=لعْنبو بنْدِق تعلّق للمهابه
خلّها تدْويْ مدافعكم بتكبير=الحلول اللي نسايسها خرابه
وش لنا في صحبته نافخ الكير؟=وش لنا في اصفرن يلقي خطابه؟
عصبة(ن)ووعودها كذبه وتخدير=سُمّها احمر وموت(ن) في نيابه
خيرنا فايض عليهم دون تقصير=نعّموهم كبّروهم يالذّيابه
هم نجاسه هم نذاله هم خنازير=والمعمّم زادها منّه حرابه
والأمر واضح مساعيهم لتدمير=بيتنا لكرم وضادك يالكتابه
وينها امة محمّد عنّ تفجير=شامنا وعراقنا قفلنا بابه
اعلنوها حربكم نسري طوابير=لعنبو جرحن تصعّب بالطبابه

وانكشف ستر الحقيقه
******************
صارت الكذبه حقيقه والصّدر مليان خوف=والبشر شبه البيارق للهوى دايم بجوع
والحقيقه مو غريبه الغريبه ما نشوف=العنا في كل ديره والبلا بين الضّلوع
ما رحم شايب صغيرن ما حمل هم الهنوف=المساعي للمناصب والقياده لجّموع
والمبادء كثر مالك تعتلي هام الكتوف=والقناعه في نظرهم بهذله فيها خنوع
والعطش اظما خفوقي ما روالي الديم جوف=والتصّحر زاد فيني والعنا كفن صفوع
والبكا اعيا عيوني والفكر مزداد خوف=من شقا اهلك يحوله الهنا امسا قطوع
ليتني افقد عيوني والعذر ما عاد شوف=والطّرش صاب المسامع صرختك ماني سموع
الاسد نايم وكلبن مستعر ساحك يحوف=والذبح يُسرى ويُمنى والدّما تروي الرّبوع
مكتفينا يا بشر ديمنا دمّ الضّعوف=والصّدر مشرع ذنوبه تايبن يبغا رجوع
النّذل زاد اندفاعه وانتهك عرض الهنوف=والامر فيتو نلبّي ما عليك اسكب دموع
المراجل من زمن جدّي وجدّك لو تروف=الهقاوي والاصايل لا عدت نشعل شموع
وانكشف ستر الحقيقه مانبي رصّ الحروف=المدافع للكرامه حلّها دايم قنوع
الزّمن حنّا نعيبه والمعابه ما نشوف=با كيه امة محمد تكتفي بدعوة خشوع

عن دروبك ما احيد
***************
مالي حيله غير احبك واعشقك وآحب سحرك=يلي من حبّك قصيدي يلي تسري في وريد
أسكني جوف الحنايا واحرقي قلبي بجمرك=والشفا دايم بقربك آه يا اخر وعيد
واسمعي اخر كلامي واحفظي حبي بصدرك=واكتبي اسمي بدمعك من عنا شوقي قصيد
والله اني يالحبيبه اهتني لا زان عمرك=يا مشاعرنا النبيله يا امل عمري الوحيد
يا صدى صوت القصيده يا كسر يجبر بجبرك=يا مراسيل الاماني صرتي فرحي صرتي عيد
لا تخافيها الليالي نامي ليلك واخفي سرك=والخبر لا ذاع منك ينتهي عمر الوليد
واخفي عينك هالفضوحه سلمي لله امرك=واكتمي عبرة خفوقك والدعاوي منها زيد
يا بدر سود الليالي يا عمر يبدا بفجرك=الألم أظما خفوقي والسعاده في حيد
ما تبدل عن هواكم صدّقي اني عخبرك=كلّما شدّ المطايا عن دروبك ما احيد

تعبت اتبع صدى صوتك
**************

غدا طيفي على غصنك وطيفك نور قدامي=ونا من لوعة الفرقا مابين الحزن وحرابه
شبه غصنن ذبل ورده وساقه هالشّقي ظامي=لجل نظره لجل بسمه كفايه وعود كذابه
الا يا فرحة المشتاق الا يا جرحي الدّامي=غدا بعدك كما سمن وداخل بالحشا جرابه
وطال الوقت فبعادك وعضّ النّاب فبهامي=الا يا رجعة النّادم دموع العين سكابه
الا يا محبرة فكري الا يا زائر احلامي=تعبت اتبع صدى صوتك ونزف القاف وكتابه
وانا من لوعة الفرقا تزيد احزاني والامي=وصرخات الالم فيني زئير سباع وذيابه
الا يا صاحبي وينك تقوس جذع العظامي=لبس قافي لباس الهم وفصّل بالعنا ثيابه
ومات القلب في غيابك يموت ورافعن هامي=بدمعات الألم بكتب يانور الوقت وصحابه
احبّك يا هنا عمري أحبّك يا اجمل ايّامي=نزف لاجلك وريد الحب نزف والغير اولا به