لايشكر الله من لايشكر الناس ياقصيدي لانخيتك جُد بأبيات جزيله=وصل إحساسي رجيتك للوفي سمح الخصالي عجزت حروفي تعبر يوم جيت اشكر جميله=واشهد انه ماتوفيه الدواوين الجزالي شاعر بوحه بهرني في معانيه الجليله=والذي ينقد قصيده مالقى نقده مجالي كل خصله في سموه من فضيله في فضيله=بين قومه له مكانه عاليه والصيت عالي صعب اوصل إمتناني واجزي الطيب بمثيله=وكل طيب ماخذً منه صفاته بالكمالي في ختام القول عذري كانت ابياتي قليله=والسموحه يافريد القاف ياذرب الفعالي

رساله حب من قلبي بدمعات الغلا تنساب=لمن هو يستحق مدحي وتزهابه دواويني حبيبي كل مافيني من اللوعه أحسه ذاب=احن لعطر أنفاسك ولمسة شوق تغويني فقدتك ياوطن عمري وجرحي بالحشا ماطاب=أبي لآخر نفس فيني آراعيك وتراعيني أنا مابي سوى قربك يطمن خافقي المرتاب=أحبك لو يروح العمر وإلى من مت ترثيني أحبك كثر ماصديت عن عيني بدون اسباب=أحبك كثر ماتطري على بالي..وناسيني أحبك من قدمك لهامتك وأهواك أنا بإعجاب=أحبك من هنا لأبعد مسافات توديني أحبك واعرف بقدري ولااطمح أنا لالقاب=طموحي إنت وأحلامي لانك مني وفيني ياعشق ونشوة الذكرى بحق الخالق الوهاب=تفرح قلبي المغرم من اللوعه تداويني حشالله ياقرم البواسل من نخى ماخاب=نخيتك ياأمل عمري رجيتك لا تخليني

مــد خ ـــل سامريني ياحروفي بين صمت و بين بوح دآم وصـله أمـنية في عـالم الحـلم السعــيد خلني المس وجودك واشعر بعطرك يفوح=ودي اسكن في حدودك وانعم بقربك ياسيد لاتجاري بالقصايد جاري إحساس جموح=تصبح اشواقك وقايد وهذا هو بيت القصيد أن كتبت الشعر قصدي يوصلك خافي الجروح=والحنين إللي بقلبي ينعش الحس العنيد مابتنصفني حروفي ماتكفي لو ابوح=جيت ابوصفلك شعوري ماعرفت اكتب مفيد ماهويت إلا وصالك مالي بغيرك طموح =ماعنيت إلا لشخصك ماعلي إمن انقيد إنت مثل الروح عندي بعدك أيامي تروح=كل مافيني يحبك قول واطلب ماتريد لوتبي عمري فديتك..إمتلك قلب وروح=إنت تآمر ياغلاتي وأنااعطي لك وأزيد مـ خ ــرج يامنى العين وضياها وسط قلبي لك صروح يعلم الله يوم شوفك ياعديل الروح عــيد

آلا ياسلوة الخاطر آبيك اليوم تسمعني=قصيدي إنت به معني وكم سخرت لك قافي غرامك يادفا بردي لهيبه حيل ذوبني=علامك حلمنا الوردي أحسه غادر لحافي سواليفك معي نغمه أرددها وتطربني=تزيح القلب عن همه يافايق كل لوصافي أحس إنك مثل طفل يلاعبني ويعجبني=يعاتبني أنا مهمل وأجي يمه بكل مافي معاك الحب شي ثاني ونارالشوق تشعلني=بضمك حيل لأحضاني دفاك البلسم الشافي ترى لو أنت لي شاري توصلني وتفهمني=رغم حبي وإصراري أقول اليوم لك كافي ترفق بي وخاف الله بربك لا تضيعني=ترى قربك دوى العله..حرام تسبب إتلافي أبي منك وعد تبقى بعمري ماتفارقني=كما بدر السماء ترقى بعشق حيل شفافي

من بعد غنتني لحون إنتظاري=وغيابك اظمااني وثلج الصبر ماع كفرت بأنك بأول الوقت شاري=وآمنت بأنك تالي الوقت بياع ما عاد لي خاطر اسامح واداري=والحال متأزم .. سبب زود الاوجاع ماعاد في مجهولك البحث جاري=واقول هذي عاقبة شين لطباع مادمت في وصلي هواك اختياري=حسب المزاج وحسب ترتيب الاوضاع ترى الفضاء ماضاق من نجم ساري=ولا البحر يظلم ليا عثرب القاع وان كنت جاهل عن معالي مداري=اسأل عيون الشمس مع كل ذعذاع واذا العشق به نكستي وانكساري=لابو جروح الحب وطعون الأضلاع

كثر ماقلت في نفسي اببدأ رحله النسيان =تموت الروح ياروحي ويبقى حبكم ضافي تصدق حتى لو آنسى وجودي اذكرك يافلان=يحبك كل مافيني غرامي ماآظن خافي ترى وإللي خلق خلقه من انس ومن جماد وجان=فداك الروح ياغالي وكل العمر لك صافي غناتي لايجي في بالك ابد اقوى على الهجران=انا لاخر نفس ودي نخلد حبنا وافي أدارِيْ الحزن والعبره أحاول اظهر السلوان=وأنا قلبي نفذ صبره..حموله هدت اكتافي نخاك القلب لاترْدْه بحق الخالق الديان=ترى قلبي على عهده ووحدك غاية أهدافي أنا من دنيتي حسبي تبقى لي ياأغلى إنسان=حلو وصلك بقلبي له مرابيع ومصيافي

ردية من الآرشيف بيني وبين ولد عمي سلام الله على ذكرى عدد نبت النفل وزهور وعد ماهلت مزون السحايب غيثها الهمال هلا حياك ياغالي عدد من بالمقام يزور عزيزٍ منزلك عالي وهبك الله كريم خصال أناالمشتاق والمغرم أناالمنهي وأناالمأمور عسى الله يمهل أيامي وأكيد بوصلك العذال حبيب الروح لاتهتم تجاهل هالحقد والزور حسيبه ربي العالم ترى عمر الردي ماطال آلا يالله ياعالم بخافي القلب والمضمور ترد الواشي الظالم ويحصد خيبة الآمال ولامنه سرى حزنك غدا قلبي معك مكسور لاني قطعةٍ منك خفوقي يتبعك في الحال أقول إللي يبي الفرقى وهو يسعى لها ويدور ترى ياعاذلي تشقى وماتلحق سراب اللآل فلا تغتر بالداني ترى الدنيا متاع غرور وكل إللي نرى فاني ويبقى صالح الاعمال ولو إنه خذا عبره بسيطه من شعاع النور عرف إن الظلم زايل مثل فيّ العصر لازال ترى الاعمار لوطالت عقب ظل القصور قبور صروف الدهر لومالت بقاها يالحبيب محال أنا ماجيت أدور من وراء الاشعار لي جمهور ولكن جيت أنا لجلك ابهدي لك بيوت جزال فديتك يابعد عمري فديت إحساسك المنثور أحبك حب لوتدري بحجمه يذهلك إذهال أضيع بعالمي دونك وقلبي بالحزن مفطور عساني فدوى لعيونك ترى لقياك رأس المال تخيل حالتي عقبك وآهات الحزن والجور أداعب بالخفا طيفك وارد آبكي على الاطلال حياتي فرحها بيدك وقلبك يالضنا له دور وعيدي بالهوى عيدك نقضيها فرح ووصال تراك إللي تمنيته غرامك بالحشا محفور وفيك إللي ترجيته عريب الجد وياالخال غلاتي راحتي عندك وقلبي في الهوى معذور أنا مقوى على بعدك ومابي للنوى مدخال دفايه وأجمل أيامي بدونك دنيتي ديجور تصدق وإنت بأحلامي تجي وتلد لي بأقبال معاك الحب شي ثاني وطعمه بالحلا مغمور ياكل الحسن أغرآني دلال ورنة الخلخال أبيك العاشق الثآير وحضنك للدفا مذخور وكل إللي تبي صاير بقربك يستريح البال أحبك حيل في غيابك وفي قربك غلاك يثور أحبك موت وأحيابك وحضنك واحتي وظلال وأنا نفس الغلا وأغلى بعد نفس الشعور شعور وذا صنع الهوى بأهله مشاعر صادقه تنهال

لو تنشرى كل الحروف بـ غالي=لو جاد لي وزن الشعر وبحوره لو أكتب بماء الذهب أقوالي=لو جبت درعٍ جودته مشهوره مايدرك إللي بخاطري مثقالي=مايوصل حدوده وعمق شعوره ماكل ماترجي القلوب تنالي=خسران من جاراك في المعموره تزهى بك الاشعار ثم تختالي=بعض البشر يبقى بعزة نوره فاضت لك أبيات القصيد إجلالي=لوغاب مثلك حاضر مأثوره رايك حكيم وكلمتك بأفعالي=شعرك فريد وبك تزين سطوره ياعالي كل مافعلته عالي=بوحك ترى ماله مثل بحضوره يا .... لو السعد ينكالي=أعطيك من زاد الفرح مذخوره

منحرف حظي وعمره ماتسنع=كن أيامي غدت لأمره مطيعه واقف ضدي ويتحدا ويمنع=وصل لقيانا وكم موعد يضيعه ياوجودي والحزن مني تشبع=وجد مظلوم وماحصل شفيعه كم على بعدك أنا قلبي تقطع=ياهناء عمري ويازهرة ربيعه في غيابك كيف مدري وش بأصنع..؟؟=والزمن غدار من يأمن صنيعه إسكن بقلبي وبشغافه تربع=لاتقاطعني فراقك ماأستطيعه أعشقك بإحساس كل العالم أجمع=والغلا لك إنت وحدك في الطليعه كيف بتناساك والخافق تولع=بك..؟ وأيامي تمر دونك شنيعه..؟ كيف وعيوني على طاريك تدمع..؟؟=كيف وأشواقي تضيق بهالوسيعه..؟؟ قول وش يرضيك ياعمري..؟؟ وإسمع=صوتي إللي بح من طول القطيعه ياحبيبي لو تخاف الله ترجع=لاتضيع نشوة الوصل البديعه

إختلاف الرأي يا زين الخِصال آمر حاصل من قديمٍ في الهوى لاتكابر سيدي عَطنِي مجال إحقر العاذل فحِقرانه دوى غاية الواشي يفرقنا...محال لويحاول ... ثم يحاول ماقوى الغلا صافي لكم عذبٍ زلال لِمني بجنووون لاتطري النوى لِي مع قلبك مواثيقٍ ثقال حبنا دايم رفيع المستوى شوقي أضناني أبي وصل ودلال دوم قلبِي من هواكم ماأرتوى عِيش بِإحساسك معي علم وخيال إسكن بقلبي وبعيوني سوى يِعلم الله لك غلا فوق الخيال لا لمحتك نور فرحي لي ضوى حبنا كامل ولله الكمال حب ماقد صار أبداً وإستوى