المشاركة الأصلية كتبت بواسطة الشاعر ماجد الرتيق

خلوهاااااااااااا ~ ارتجاااااااااااااال
عامه عسى عامه مسرات وافراح=يا جعلها ايامه مسرات عامه
جعله سعيد بدنيته وين ما راح=من مبسمه تستانس الإبتسامه
نجل العيون اللي لها رمش ذبّاح=عمري فديته بس انول اهتمامه
أدعج غنج مملوح فتّان لمّاح=من منبعه تنبت ورود الوسامه
رعبوب ميّاس و تقاسيمه ملاح=والزين ينطق من حلاوة قوامه
زاهي و راهي للمغاليق مفتاح=كلّه مرامي يا عساني مرامه
دلّي دلالي بين جيّه و مرواح=النور وجهه والشهد في كلامه
جوري حياتي زاهي القد فواح=في مهجتي يملك زمام الزعامه
سوّاح قلبي والوله فيه سوّاح=بلسم شجوني والسعادة غرامه
ماجد الرتيق
غرامه

ما شاء الله تبارك الرحمن

/

غرامه كان ماتدري غرامه=سكن بالقلب وابداء فيه علّه
تكون فوق شريانه غمامه=غمامه حب ورذراذه تهلّه
كأنه رمم بوسطي ركامه=بنى شاليه فيني وكم فلّه
حمامه هيه هاتي ياحمامه=من الألحان دقه وكل جلّه
ترك بي شارتين مع علامه=حديهن شمس والثنتين ضلّه

ضلّـه....

ضلّه أبوي اللي تفييت ضله=ما عاد به مقعاد من عقب ما غاب
والروح ماهي من غدى مسفهله=والحزن في نفسي طغى شرّع الباب
با بوي عقبك تخنق الروح خلّه=تغتالني واعض انا الراح بالناب
ما غير أسجج والخيال استحلّه=غايب وطيفك لا حشى دوم ما غاب
في مهجتي تتملك الود كلّه=تملك زمامي لكن الوقت كذاب
ماجد
أطال الله في عمر والدي
و غفر لولد والدتي والدنا جميع و جميع موتى المسلمين

كذاب

ألله يلوم اللي يلومك يا شاعرنا الجزل

كذاب وادري واســــامح واقبل اعذاره=واتحمله دون مادري وش هي اسبابه
تبعد دياره ويهجر ناسه و داره=يا ما نطرته ولكن طوّل غّيابه
قلبي يحبه ولكن شبّه بّناره=والحب كسّر بقلبي داره وباابه
حبه معي تسليه يا قل مقداره=يا لعن ابو جد من رَزهَ و من جابه
جابه

جابه زماني وانا اللي جاهل ِ دربه =بيني وبينه ظروف الوقت حياله
واليوم ماعاد طيري ماشي بسربه =قفى وخلا الحزن يجر مواله

مواله

مواله الحب فيني بالنغم شــــــــادي=يطرب خفوقي يداعب نشوة اعماقي
يعزف على دان عمري واللحن هادي=يترنم الحب فيني ينزف اشواقي

أشواقي

اشواقي المبحرة في موجك العالي =تمايلت لين ميلها الهوى وطاحت
ماعدت في خاطري ماعدت في بالي =وردن على الغصن مال وريحته فاحت
واليوم قفت ضعونك يابعد حالي =ضيقة غشتني شهر من بعدك وراحت

راحت

راحت وانا من عقبها رحت ما جيت
ماغير أدورني و غـــــــــــيّبْت حالي

تايه وراها من غدت ما تهــــــــنيت
أسهر لحالي واستجـــــــــير الليالي


الليالي

الليالي معك يابدر كل الليالي
هي ليالي حياتي اللي تزود العمر
كل ليل يمر ولا اشوفك قبالي
ما اطوله في عيوني .. وما أثقله ما يمر



" يمر "

/
كل مايكتب هنا ارتجال لحظي

يمرصوتك من خلالي ويرعب=يرعب بأركان الجسدوارتعدخوف
والكف بكفوف الندم قام يضرب=والعين من خوفه بدت تفقدالشوف
واحس ودي اخذالحلم وأهرب=وابعدعن اروى واتركه كله للنوف

نوف