.
.
- للاستماع و عذرا على طول الغياب :

يا صاحبي هو بسألك ضاق الشمال ؟! =وللا نظرنا ضاق عن شوفه وسيع !! ..
اربع سنين ازريت اجاوب هالسؤال =من يوم قلبي ضاع في حب البديع ..
الجادل اللي ما على مثله جدال =منحوت حبه في وسط قلبن صريع ..
سبحان ربي شامخه فيها جمال =حتى بنات الحي في وصفه تذيع ..
مضرب مثايل بالحسن ماله مثال =دين وحيا واخلاق واحساسن رفيع ..
كني اذا شبهتها : شبه الخيال =اللي رسم بسمات للحزن الفظيع ..
وللا كما الممكن بتعجيز المحال =مثل الأمل في نظرة المعدم لميع ..
اسأل بحر جده عن اوصاف الغزال =عن موجه اليا فزله بين الجميع ..
كن النسا بلحال واوصافه لحال =فرحي بها فرح البدو وقت الربيع ..
اقفى و حبه بالحنايا لا يزال =كنه صحابي والخفوق امسى بقيع ..
اقفى وانا للحين في حلم الوصال =حلم او وقف من دونه السد المنيع ..
الواقع اللي دمر الفرحه و كال =حزن اليتيم اللي بلا خل او ربيع ..
عزاي لو يدري ثمن : (تكفى تعال) =ان كان ما خيب رجا رجل(ن) شجيع ..
حده زمانه عالهمج عاف الزلال =واول يموت امن الظما لا ما يطيع ..
وجده كما وجد ابدوي راعي حلال =شحت يدين الوقت واجبرته يبيع ..
كان القطيع ابنظرته مثل العيال =واليوم قفى لا عيال او لا قطيع ..
وللا وجود الجيد مضياف الرجال =فقره جبر بالضيف يستنوم جويع ..
وينك كفا ما عاد لي بعدك مجال =احشم دموع انسان ملغيرك تميع ..
سالت بعز البرد وانصاف الليال =تحسب بأنك تحسب انها لك شفيع ..
الدمعه اللي خلت اشباهي قلال = طاحت بعد هد الجبل صدعن شنيع ..
حبك حمل لاكن بعد متني جبال =فرقاك شيلها لما لا تستطيع ..
نقطة ضعف فيني ولله الكمال =اللي حفظ عقل المعنى لا يضيع ..
تدري وش اصعب عالشهم يبن الحلال =انك تحسب انه سلا و اثره وليع ..
شف حالتي بعد الجفا ما طاب فال =والحزن في وجهي غدا لونه مريع ..
والزاد عفته وانكفت كل الدلال =والضحك وقت الضيق له فرقن شسيع ..
طال العنا واسود سواد الليل طال =لانك رجعت او محتري موتي يشيع ..
بعدين يغلى الناس ما عادت تشال =الضيقه اللي في صدر رجل(ن) شجيع ..
تكفى وثمن لا قلت : كلمة تعال =ضايق بها خفاق في حبك صريع ..
الضيقه اللي تحتويني لارتحال =صوب الشمال آدور الصدري ربيع ..
صدر الشمالي ضاق خلقه يالشمال = لاكن عسا ما ضاق عن شوفك وسيع ..

- حمزهـ الهاشمي 2012 م ...
ساعد في نشر والارتقاء بنا عبر مشاركة رأيك في الفيس بوك

الشاعر القدير والمتألق / حمزة الهاشمي

الحمد لله على السلامه طال عمرك ومن طول الغيبات جاب الغنايم وأنا أشهد انك جبت اكبر غنيمه بنصك الراقي والعذب

صح الله لسسانك وبيض الله وجهك يالغالي

شاعرنا الفذ/ حمزه الهاشمي

صح لسانك

ولاهنت

كنت هنا ومضيت

ألله الله الله نص راقي مميز بديع صح لسانك وعلا شأنك وكل الشكر لإتحافنا بهذه الجزله يا جزل وفقك الله ورعاك وسدد خطاك وأبقاك ودي و تقديري

سلمت يداااكـ
صح لسانك مليوون ولايسدوون
تقديرے واحترامے
لشخے ـصكـ وبوح ـكـ الراقے
ذكرے الغالے

الله الله الله
شاعرنا العذب حمزه الهاشم
صح السانك واعتلا شانك يالسنافي
والف الحمد لله عالسلامه من طول الغيبه
جاب الغنايم قصيده تشفع ما مضى من غياب

ودي واحترامي وتقديري

المهيدات

شاعرنا الراقي ...
جزاله ..وامتاع لا يختلف عليه اثنان ..صح السانك لين ترضى
دمت بخير ..

اررررحب ومليوووووووووووون هلا ومرحبا بك ياحمزة

نورت نبض الحروف في عودتك يالغالي

فــــ هلا وسهلاً بك مره ثانية

ومليووووووووون صح السانك على هالشامخة

وجـده كمـا وجــد ابــدوي راعــي حــلال
شحـت يـديـن الـوقـت واجبـرتـه يبـيـع ..
كــان القـطـيـع ابنـظـرتـه مـثــل الـعـيـال
والـيـوم قـفــى لا عـيــال او لا قـطـيـع ..
ولــلا وجــود الجـيـد مضـيـاف الـرجــال
فقـره جبـر بالضـيـف يستـنـوم جـويـع

سجل اعجاااااااابي

لك مني أرق التحايا

الـدمـعـه الـلــي خـلــت اشـبـاهـي قــــلال

طاحت بعـد هـد الجبـل صدعـن شنيـع ..

21

حـبـك حـمـل لاكــن بـعـد مـتـنـي جـبــال

فــرقــاك شـيـلـهـا لــمــا لا تسـتـطـيـع

حمزه الهاشمي

صح لسانك وسلم احساسك

ولا هان نبضك شاعرنا

الله يسعد قلبك
على جمال الابداع
وروعة ابداعك
صح لسانك مدد بلا عدد
وعلا شانك

اعجابي بما خط قلمك

تقديرى لك واحترامي