يا دارنا من دونك الموت يا دار

يا دارنا من دونك الموت يادارا
واللي يراهن خاسرٍ في رهانه

قاله حفيد العود حنا لك أسوار
ما نقبل اللي خان مبدأ الأمانة

ديرة هل العوجا زعيمين وكبار
يموت فيها من بدا بالخيانه

ما همنا العدوان من زمرة أشرار
ناسٍ تخالف للقيم والديانه

ولا ينفع المحتال لو يحجر بغار
وجند السعودي بالمواقف تكانه

حنا نسمى بالوغى سيف بتّار
والمعتدي مسكين نفسه جبانه

جنّد صغار السن وأحرقهم بنار
والحوثي باين ما انضبط في اتزانه

وأشوف جيشه من بلاء الضرب ينهار
درسٍ خذاه إن كان صاحب ذهانه

قومه على درب الردى تغدر الجار
ولا ينفع المحتال درب للعانه

جيش السعودي لا نزل كنّه إعصار
ومن يقرب أرضه يندفن في مكانه

عبدالكريم إبراهيم بن خزيّم


تجدونها على الرابط

http://www.alriyadh.com/2009/11/21/article475994.html

ساعد في نشر والارتقاء بنا عبر مشاركة رأيك في الفيس بوك

متابع راائعه

لشاعر يستحق المتابعه

محمد

شكرا ً صحتفتنا على إيراد النص ولاهنت أستاي محمد آل مهيد على المرور النور

والله يعز الوطن ويحميه من كيد الأشرار

تقديري ,,,,,,

جميل جدا

شاعر متالق يستحق كل التقدير



اخوك
علي الحزمي

متميز ويستحق كل احترام وتقدير

لا هنت على الخبر يا صحافتنا

كل الورد

صـــــــــــــــــــــــــادق الود