الزمن تسكنه ذكرى بعيدين العلام=وان حكا عنهم سقا الغيث طاريهم بديمه

والوفاء والصدق من شيمة الناس الكرام=طبع صافين الضماير..قويين العزيمه

والفراق يدمّر الحب لامن طال عام=والجفا والصد لازاد عن حده جريمه

وانتي اعذارك كثيره يا زاهية الوشام=وكيف انا منك أقبل العذر.. وضلوعي حطيمه

يعني تو..يجيبك الشوق ملعون الرسام=والله انه ما بقا بالسماء للشوق غٍيمه

عقب سبع اسنين جيتي...على الدنيا السلام=البقابك..كل الاحلام ماتت ياحليمه

ما بقا في خاطري لاعتاب ولاملام=يوم طاف الوقت..ما للعتب واللوم قيمه

أغربت شمس الهوى..واسمعي صدق الكلام=لا تصحين الهواجيس..وجروحٍٍ قديمه

قالت: ادري ما بقالي مكان ولا مقام=عقب ماني وسط قلبك..وبعيونك عظيمه

كنت غلطانه وصدقت عذال الغرام=وأنت تدري بالعواذل شياطينٍ رجيمه

قلت:عذر اقبح من الذنب ياظبي العدام=من رضى بالظلم.. يدخله في بيت الظليمه

كيف ؟ طاوعتيبي اهل الهروج العوج دام=تعرفيني معك وافي// ونياتي سليمه

قالت:وفي خدها سال دمع الانهزام=يا حبيبي كيف ترضا على مثلي هزيمه

والله اني عقبك النور بعيوني ظلام=لاتخليني وترحل// ولك ذكرى مقيمه

كان بك حب التسلط // وروح الانتقام=شوف منظر دمع الاشواق بعيون اليتيمه

قلت: لا تبكين // لا يغرق الدمع اللثام=واحدن ما يهزه الدمع بعيونك بهيمه

لكن!! الدنيا واهلها لهم شرع ونظام=فكري..بظروفك اللي عواقبها وخيمه

قالت: ارجوك اسمع العلم.. لايطول الخصام=يا حبيبي مد للوصل يمناك الكريمه

لا تخليني كذا !! //وانت من ناسٍ احشام=ما يبيحون السدود// وبهم نخوه وشيمه

ودي اسهّر عيونك ليالي ما تنام=وضحكت// والحب يهزم قويين الشكيمه

قلت:يا للي مالك اوصاف طير الشوق حام=لازم يضيع الذي بالهوى مثلك خصيمه

كيف اقاوم حسنك اللي يثير الاهتمام=والعيون رموشها تجرح القلب وتضيمه

ياسقى الله قصة الحب الاول والغرام=قبل يكشف سـره اهل الحسد// واهل النميمه

علم// كنـَه // حلم مر ومفسرة الحلآم=حار فيه المبصر//وحار ابو عينٍ كريمه

قالت:أنت أتحبني ؟ قلت: انا هايم هيام=ووجودي يوم ريح الصبا ذعذع نسيمه


ماتهون العشره الا على عيال الحرام=والجفاء والصد لازاد عن حده جريمه!!

ساعد في نشر والارتقاء بنا عبر مشاركة رأيك في الفيس بوك

شرف لي ان اكون اول من قص
شريط الافتتاح ودي وتقديري لسمو حرفك
الغيهب..................

حضووووووور للترحيب والاحتفاااء بعد غياب

وسيكون لي عوده

محمد

صح لسانك ولي الفخر بالحظور أمام هذه الباذخه
وتسلم يمينك من الشر
دمت بخير لاينتهي

الاخ الشاعر القدير الغالي:: ميرزا بن زياد بن طواله سرني معانقت هذه التحفه وتستاهل ختم التميز صح بوحك فديتك تقبل فائق تقديري ....دمت بكل الغلا والود

صح السانك يابن طواله والاهنت ولاهان راسك


أرق التحايا الشخصك الكريم

ابن طوالة
لله درك أيها الشاعر القدير
قصيدة في قمة روعتها وانا قتها


مودتي واحترامي

صح السانك وبيض الله وجهك
اسعدني المرور من امام هذه الفاتنه

ودي وتقديري واحترامي

المهيدات

ميزر بن طواله

من طول الغيبات جاب الغنايم
لله درك يابن طواله درر من ذهب
صح الله السانك وسلم بنانك
ابيات جزله من راس جزل
لاعدمناك ولا عدمنا جديدك

تحييييياتي لك

الله الله عليك
صح السانك الين ترضى
تستحق التميز ومني انا خمس نجوم
مبدع
دمت بخير