جهل + انفتاح = عولمه

العولمه

نبكي الاطلال من وقتٍ قديم=من تأقلمنا بزمان العولمه
نرثي وجيه المكارم والفهيم=والبقى بهل الفضيله مرحمه
الاصاله تفتقد فينا حشيم=والحشيم بـ هالزمن من يزهمه
موضع الخجلان موقفنا عديم=ساقنا التيار مجبور ادعمه
ما يردك يالكريم الا اللئيم=صاغها الملهوف لهل الهنجمه
الرجاجيل البست ثوب الحريم=والندم معلوم كيف اتعلمه
وما نفع في قصّه (الإيمو) فهيم=كود من ربك رحم حق احشمه
غزوهم بألحاد ومابه من سليم =واخر اقلاعات جيلي ملحمه
للأسف مال الشدايد من حميم=انتشابه بالتعالي هنجمه
العروبه سوقها الميت هشيم=قولة ابن الذيب قوم الهندمه
اختلاف ارائنا ينجب خصيم=وامرنا من قال حن من يحسمه
سايسونا حايلونا بالصميم=جاب مفعول العروق بمرهمه
نون نسوتنا يعارضها بهيم=بسم تحرير النسا جا ملزمه
والحداثه عولمه حتى الرجيم=من مفاهيم الرقي والعولمه
لوّث بحلواه تفكير الغشيم=لين شوهني بثقافة عالمه
ياحسافه وامتي صارت تهيم=هيمنه بالغرب واكبر هيلمه
سالفه صرنا وصرنا للجحيم=نتبع المحظور وروس مدرهمه
والدليل بسالفة عبدالكريم= بعد مامل الحرام يحرمه
لعوزة ميقن وبالتالي حطيم=وانتفاظت وقت عاش مسيلمه
من تجرع في رغد عاش بنعيم=حكمه بفوه الخبل لا تعدمه
شيّب الطفل وعيونك يالحليم=من بلاوي هالزمان مسلهمه
ربي ارحم زلتي وانت الرحيم=واللطف بعبدك من الذنب ارحمه

ملاحظه
الايمو: قصة شعر مبتكره من اليهود
ساعد في نشر والارتقاء بنا عبر مشاركة رأيك في الفيس بوك

الغالي محمد الشايع

مساء الشعر والعذوبه

الله الله عليك

قصيده اجتماعيه ناقشت العديد من القضايا

لاتخلو من الحكمه

اجدت حبكها وسبكها

سجل اعجابي ومتابعتي

محمد

اخي المبدع حد الترف
الشاعر / محمـد الشــايع

رائع بحق
في صياغتكـ
وجميل هدفكــ

هنا تشع الحـــروف
صدق وواقعيه

سلمت على نزفكـــ الأجتماعي الراقي

: :

دمتـ سيد من ســادة الإبداع

المشاركة الأصلية كتبت بواسطة محمد ال مهيد

الغالي محمد الشايع

مساء الشعر والعذوبه

الله الله عليك

قصيده اجتماعيه ناقشت العديد من القضايا

لاتخلو من الحكمه

اجدت حبكها وسبكها

سجل اعجابي ومتابعتي

محمد

خطوه عزيزه يابعدي
جعلني ماعدمك يالوافي
دمت لشايع

صح السانك يامحمد

جزله من شاعر جزل

دمت بخير

كلمات رائعه

سلمت يداك وشكراً لك بحجم السماء

ولاحرمنا منك ومن تميزك

لوجودكــ

المشاركة الأصلية كتبت بواسطة عبدالكريم الدوسي

اخي المبدع حد الترف
الشاعر / محمـد الشــايع

رائع بحق
في صياغتكـ
وجميل هدفكــ

هنا تشع الحـــروف
صدق وواقعيه

سلمت على نزفكـــ الأجتماعي الراقي

: :

دمتـ سيد من ســادة الإبداع

الشاعر القدير/عبدالرحمن الدوسي
اسعدني مرورك واطلالتك الباهيه بمتصفحي
لاهنت وجعلني ماعدمك
مودتي وتقدير

الراقي محمد الشايع

صح لسانك مليون في مليون ولا يسدون

قصيدة رااااااااااااائعة
من شاعر راااااااااائع

لك ودي

اخوك
علي الحزمي

الله عليك ..
ابيات لا تقرأ فقط
بل تأخذ لها حيز بالذاكره ..

بكل حضور هنا نستمتع بها اكثر
صح لسانك ولا هنت ..

المشاركة الأصلية كتبت بواسطة الوداع الاخير

صح السانك يامحمد

جزله من شاعر جزل

دمت بخير

لاعدمتك يالذيب

صح بدنك ولاهنت