يا حروف المشاعر

#1 12-14-2011, 10:54 AM

الشاعر الكويتي بندر المطيري

قصيدة مرثية ،،صديق،،

. بان الزراق وودعّ الليل بالنور
واتنفّست عقب المسا صورة الضي .
. من غردت فوق الشجر عدة اطيور
والورد عم بريحته أخر الحي .
. الضيق له في داخل الصدر دستور
والصبر يمحي به ولا غيّر بشي .
. الحظ مات بدفتر العمر مقهور
والهم صار بخافقي ينطوي طي .
. البارحه يثور بي الهم ويثور
وعجزت اقاوم ضيقت(ن) ماهي شوي .
. يومي سريت بدرب الأصوات مجبور
على طريق(ن) كان به صاحب(ن) حي .
. أزريت أصدق ماحكو.. ماتت شعور
وعجزت أرد بمسمعي كلمة(ن) زي .
. هو مات هو مامات ؟ مصدوم مذعور
تعبت ولاكنها على الأرض رجلي .
. ذهلت ولاكني سوا أنسان مكسور
النفس تدها والعطش مطلبه مي .
. العين تذرف دمعها كنه ابحور
والحزن كنه ياكل اللحم بي ني .
. قبل أمس كنا نضحك ومابنا جور
واليوم نار الهم تكوي بنا كي .
. يالله ترحم من رحل خلف هالسور
مخضوع راسي لك ورافع لك أيدي .
. الدور من يدري على منهو الدور
ماغير وحده الخالق الباقي الحي .
. تب تمتلي هالأرض وتب تشبع قبور
سوا تكون بذي أو ذي أو ذي .
. أعمل لما باقي من العمر للحور
وأقم صلاتك ماتفيدك سوا هي .

ساعد في نشر والارتقاء بنا عبر مشاركة رأيك في الفيس بوك