سلام من الله ورحمه
لكل من مر من هنا باقة شكر لا تعرف الذبول
وأتمنى أن ترقى المحبرة لمعانقة ذائقتكم
:
لمشاهدة القصائد بشكل أفضل
أرجو استخدام Internet Explorer
محبتي

ساعد في نشر والارتقاء بنا عبر مشاركة رأيك في الفيس بوك

يا مشاعر في الحنايا .. ولولي=كان ينفع في دواك .. الولوله حلمي اللي طاح من أعلا .. علي=انتهى مذبوح تحت المقصله شفتني هاليوم أندب .. أولي=في زمن تاليه يلعن .. أوله كل ليلة أعيش لحظة .. مقتلي=نعنبو قلب(ن) يحبه .. ويقتله ساهر(ن) طرفي وأدري به .. خَلي=لو ظهر طيفي وشافه .. يزهله ينتشي قلبه إلا منّي .. سلي=وان غزاني الهم يبعد .. هروله يلعب بقلب(ن) فـ/حبه قد.. بُلي=يعشقه وشلون بس .. يستغفله حطني في قصر عالي .. معتلي=ثم(ن) أصفق عاليَه في .. أسفله مبتلي في الحب والله .. مبتلي=كن مافي الحب إلا .. البهذله كل غيم(ن) لو تراكم .. ينجلي=إلا غيم الحب يبقى .. معضله لا غشى الارواح يقليها .. قلي=بالرضى ولَّا غصب .. تتقبَّله اعدلي يابنت أو .. لا تعدلي=اعتناق الحب ليست .. مسأله ناظري كم لي بنارك .. أصطلي=محتمل فوق الذي .. أتحمله ما نفعني طب أو رقية .. ولي = الجسد منهك وروحي .. ممحله ذا علي..؟ لله مو هذا .. علي=ذا بقايا انسان .. أرداه الوله

حن القصيد وصاحبي ما بعد .. حن=حتى اختلط دمعي وصادق .. مدادي ياما ضناني الشوق واتعبني .. الظن=وياما فقد جفني .. لذيذ الرقادي الشوق له فمٍّ بسمع الحشا .. زن=لا جن ليلي فز شوقي .. ينادي يسرق تفاريحي ويترك لي .. الوَن=يقاسم الذكرى بقايا .. سهادي وآنا لوحدي في العذاب .. آتلوَّن= أشوف طيفه بين قادم .. وغادي أقول باكر كل شي .. يتحسن=واشرب مرار الصبر والحلم .. زادي وآشوف باكر في تجافيه ما .. كَن=مثله ملزِّم فرقتي .. وابتعادي يا ويل قلبه لا قتلني ولا .. حن=مرتاح ضامن ما يخونه .. ودادي صحيح قالوا لا تمسكن .. تمكَّن=مسكين لكن في يدينه .. قيادي والله أحبه حب في الناس ما .. طن=لامَس يقيني واحتواه .. اعتقادي حبه هنا .. بين الحنايا .. توطَّن=سوره ضلوعي ومنزله في .. فؤادي ما همني لا قالت الناس .. منجن=مثلي على مثله اذا انجن .. عادي همي يقولوا له اذا موعدي .. جَن=وطاح اسمي قبل ألقى .. مرادي للوصل فن وللجفا في الهوى .. فن=وبينهم الاثنين .. ضاع السوادي

زمن ما عاد يبي يفهم .. لأن الناس ما تفهم=تموت أجيال تتوارى .. مآسيها بوجه اجيال غدى فيه العمى مبصر .. يدندن نغمة الأبكم= يشوف الناس بعيونه .. شريط ويسمعه موَّال وموَّاله حكاية طفل .. بالتاريخ يترنم=صغير وغيَّر الدنيا .. وبدَّل حالها باحوال كتب دمَّه ألم أمَّه .. تعيش بواقع(ن) مُبهم=توارت بين هز الخصر .. والخلخال والطبَّال كشف عورة مساؤنا .. لمن يعلم ولا يعلم=ونعلم بس ما نعلم .. حجبنا الشمس بالغربال وصرنا من تهاونَّا .. نخالط كيفنا بالكم=نقلِّد من يعادينا .. من الرهبة وسام أبطال تغنِّينا بمجد(ن) زال .. كانت هيبة المسلم=تزلزل قيصر وكسرى .. لحد الصين والنيبال وصلنا إلى بلاد السند .. ما شاف الفقر معدم=وصرنا في بحار النفط .. نتسول فتاتِ اْريال نكَسْنا راية الاسلام .. قلنا علَّنا نسلَم=لقينا الذل فوقه ذل .. وزدنا ذلنا إذلال نشوف المعتصم أمسى .. أجير لخادم(ن) أعجم=وحامل راية التوحيد .. صارت مهنته زبَّال شرينا الضال والمغضوب .. عادينا بني الأرقم=وقربنا لنا الكذاب .. والنصاب والمحتال ظُلمنا يومنا اخترنا .. نسير بدربنا المظلم=نسيناها واعتصموا .. وبدلنا الحبل بحبال يلعنَّا الزمان اللي .. بمجده زيف نتكلم=نلوكه مثل علكة عز .. حطت في ضروس انذال نشوف الموت يتباهى .. بدمعة طفل لم يُفطم=وُلِد في عالم(ن) ظالم .. وديد المرضعة أهوال صغير(ن) ضعضعت ظهره .. حمول أيام ما ترحم= كأن الوقت ما حب الطفوله .. وحوَّله رجَّال صغير(ن) ذوَّق الحكَّام .. طعم المر والعلقم=وبيَّن واقع اشيوخ(ن) .. تسِيس الدين للدجَّال طفل دونه ملوك الأرض .. تتعرَّى وتتقزَّم=عتيَّه في فنون الغي .. وتلبس في الوغى خلخال زمن ما عاد يبي يفهم .. لأن الناس لو تفهم =أبد ما صارت أمتنا .. رهينة بِيْد شبْهِ رجال

] نثرت الملح ذكـرى فـوق جرحـك والفراق أليم= ونـار(ن) فـي مسـار الـدم مداهـا .. جـاوز أضـلاعـي رغـم قيـظ الفـراق أشـوف فـي قفـر الأمانـي غيـم= خيـال(ن) فـارد(ن) ظلـه يعانـد .. واقعـي الـواعـي بروقه في حنايا الروح .. رعَّاده حكاية ضيم= يترجمها الدمع هتَّان في وجه الزمن .. ساعي يـقـوده ريــح هبَّـاتـه تـمـارس لـعـبـة التحـطـيـم= يجي من مشرق الذكرى ويعصف عند .. مطلاعـي سكبك الريح لو غيمك بخيل(ن) فالحنين .. لئيم= يدمدم صوتك اللي ما جفاني وغادر .. أسماعي سكبك الريح في روحي عطـر مـن ذكريـات الهيـم= أشمـك وابتسـم .. وادري بقلبـي للولـه ... نـاعـي سكبـك الريـح ليـت الريـح ياخـذني لحنايـا الريـم= وأنا ادري مثل ما تدري .. جفاها.. بعثر أوضاعي يسوق الذاكـرة كنِّـي سفينـة .. والبحـر .. ترنيـم= يوجِّـه دفتـي ساعـة .. وساعـة يكـسـر .. اشـراعـي سقيتك حلم لا تذبل زهـوره و افقـد .. التصميـم= رميتك ياس فـي بحـر الرجـا واهديتـك .. اوجاعـي وعشتك في خيالي طيف(ن) يمارس فنون .. التيم = يرافقنـي مـن حـدود السعـادة لعضـة .. اصباعـي أنا بعدك طفـل ضايـع يتيـم(ن) والحنيـن .. يتيـم= أبـي حضـن الدفـا يجتاحنـي مـن راسـي .. لقاعـي صحيح إني أعيشك حلم لغزه بالغ .. التعتيـم = ولكـن دنيتـي مـن دون حلمـي ..... مالهـا داعـي

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

لكـ خالص احترامي

كتيرررررررررررر حزينه ((((((((((((( بقايا انسان