يا هدهد الثورة اسعفني وشيل الشك = بالبيّنة..واسمع الشكوى من الشاكي
حدّد لي الصحّ من بين الذي اتفبرك = مشّان أميّز من الباكي ومتباكي؟
وش عرقل السير فالثورة ولا اتحرّك = وش لخبط الفكر عندي..واحدث ارباكي؟
وش أخّر النّصر واتعرّض صدرو الصك = واحنا لنا ستّة اشهر تحت الأشراكي
نتحمّل البرد لا حدّ المرض والحك = ونغالب الحرّ..نمشي فوق الاشواكي
ثورة..ولكنّ ما اتعدّت حدود العكّ = واتناوب اللّون بين البيج والكاكي!
والكرسي اهتزّ لكن الشلك ما افتكّ = عاده مثبّت وحوله بعض الاسلاكي
كنّه قد احتلنا راعيه..واتملّك = يأمر وينهي..ويتصرّف بالاملاكي
والدخل باسمه وباسم الاهل يتبنّك =والعالم اخرس..ولا مخلوق متحاكي
وبعدما ثار شعبه جاك يتلبّك = ويكيل فيه التّهم .. ويدين الادراكي
ويقول انّ الشباب اغترّ بالمسلك = ويظلّ يحتجّ متغابي ومتذاكي
وكل ثوري مؤيّد قد كفر واشرك = وارتد عن مذهبه لا دين الإشراكي
واقبل يشنّ الدعاوي بعدما شكّك = في وجهة الشعب بالتطبيل والراكي
ويصوّر أنّ القضية ما لها منسك = والقصد من كلّ هذا صيد الاسماكي
والمشترك ما يساندهم..ويتهلّك = إلا على فرصة القبضة للامساكي!
والعالم ايقن بأنّ الشعب ما اتجمرك = والحقّ للي معه تصريح (ملاكي)
اللي ميوله (خليجي)أو قد تأمرك = واللي يساند (اوروبا) ضدّ الاتراكي
واللي يصرّح ل(اسرائيل)حق الدكّ = فالقدس..ويقول(هذه الارض تفداكي)
ويخادع الشعب بالتهريج..يتبرّك = ويخوّف الخلق من روّاد الاكشاكي
خلاصة القول فسّر لي على مهلك = يا هدهد الرصد وش معنى تلبّاكي؟
وش صعّب اللغز واتعقّد ولا اتفكّك = خلاني امسك بخدّي جنب شباكي
يائس..ولا زلت فالآمال بتمسّك = واحاصر الحلم اعضّه مثل مسواكي
ليش استحال الهدف ياطير..واستهلك = وقتي..وحيلي..وجدراني..ومدماكي
وانا الذي لجل حبّ الأرض ما بضحك = واضيق لا شفت دمع العين فالباكي
وارخص لها الروح..واللي خاف ما استدرك = عمره..ولا ترحم الاقدار نسّاكي
ياهدهد الحريّة شوقي وانا مثلك = لأشوّط ارض اليمن..واطوف الافلاكي
حطّمني الحزن لكن السلا شلّك = وامسيت فالجو..وانا وسط (كنتاكي)

وسلامتكم..وسلامة القراء
تحيّاتي لكلّ من سجّل مروره
أخوكم/ عبدالرحمن سراج

ساعد في نشر والارتقاء بنا عبر مشاركة رأيك في الفيس بوك

الله يسلمك من الشر
أهلا وسهلابك أخي الفاضل
صح الله لسانك على هذا النص المتألق
وتسلم يمينك من الشر
دمت بخير لاينتهي

شاعرنا / عبد الرحمن سراج
صح لسانك واعتلى شانك
تقبل مروري
كنت هنا ومضيت

سلمت يداك
تقديري واحترامي
لشخصك وبوحك الراقي
ذكرى الغالي

الأخ العزيز والشاعر الراقي
عبد الرحمن سراج
ابن دهم
شكرا لك على القصيدة الجميلة والمعبرة
ندعوا الله ان يعم الأمن والسلام
على كافة الوطن العربي
دام القلم والخاطر ودمت بخير
مشكور يا عزيزي

صح فكرك وقلبك

ياعبد الرحمن

راائع ومبدع

سجل اعجاابي

محمد

رمز للابداع
هنا
وقصيده تعانق السماء بروحها ومعناها

الف الف
صح
لسانك

وعلا شانك



تقديرى

مبدع ورائع بهذا الحضور


صح كلك يابعدي


ودمت بخير