" جنــايــز أحــــلامــي "

معانقة أخرى .. بعد طول غياب

علها تشفع

"

جنايـز احـلامـي _ على أوراق صـفرى
___________ فوق النعش - واللحد عوج المحاديب

تجـمْـعــــت بـــي / كـل بـوهـا تّــــذرى
____________ وأكـفـانها ذيــك الجروح المعاطـيب

صـــــدرٍ :عـلـى حَـمَـــل الجـنايز مضّــرا
____________ نحـفر ونـدفـن - به بـقـايا المكاتيب

مسكـيـن هذا الصــدر وشلـون يـجـرى!
__________ عـلى القـبر - ولآ لـذيـك النواصـيب

يا ليـتــها - ما مَـــرت بلـيــل مســرى
__________ ولا خـلفـت جـرحٍ شكوه المصاويب

كانت قبــل تلـقـاه _ فـالـــدرب عـذرا
__________ واليوم ماتت - والعوض فـالمكاتيب

لــو لااه ما فـالـخـــد - للــدمع مجرى
_________ ينـزف لها قـلـبي حقـــوق ومطاليب

لا من كتـبـتـك عـجـزت - الـناس تــقـرا
___________ أتضـيـع في بحر الظـنـون التصاويب

هـذا يســـند بــك _ وهـو ما تــــورى
___________ وهـذاك منـشـــبها - بكثر المناشيب

كثر الحكي بالسوم " من دون مشرى
___________ وجـلآّبــها - كـثرت عـليه العـذاريب

ينــــــدى جبين أهل الهوى وأنت أدرى
__________ لا صار ما فالـيـد حــيله - وتهـــذيب

، فـهـد الثبـيتي ،

مشاركة هذا الرد في
GoogleFacebookTwitterDigg


أنت معجب بهذا.
ساعد في نشر والارتقاء بنا عبر مشاركة رأيك في الفيس بوك

صح لسانك يافهد وبيض الله وجهك

الشاعر المبدع فهد الدقيس
حيه وحي ماجابه
غياب طويل اعقبه حضور مشرق
سجل اعجابي
محمد

يا هلا و مليار مسهلا بعد طول غياب و حياك مولاك و بياك نص راقي و مميز صح لسانك وعلا شأنك وفقك الباري ورعاك ودي و تقديري

فهد الدقيس

انت مبدع وجزل يافهد
وصح السانك وسلم بنانك
ابيات جزله من راس جزل
لاعدمناك ولا عدمنا جديدك

تحيييياتي

صح لسانك يافهد
نص راقي كأنت

سلمت يداك
صــح لســانك مدد بلياا عدد
لك من الاعماق إحتراماً جم
ومن التقدير ما للحرف يلجم
ذكرى الغالي

ابداع من النوع الفاخر

صح الله السانك يافهد والاهنت ولاهان راسك

المشاركة الأصلية كتبت بواسطة سالم محسن الفهمي

صح لسانك يافهد وبيض الله وجهك

ابو محسن وجهك ابيض يا بعدي ولا هنت

رااائع وتمكن
نص فاخر ولا اروع حتما يثير اعجابنا
يسلم احساسك مدد بلا عدد
مودتي