وين الخوي اللي ياخاويني مع الدرب الطويل

ماهوب طافي نار ناره لاطفت ماشبها

أرسل ماراسيلي ولا ردت لي العلم الجميل

والناس لو تعطيهم عيونك ماتقنع بها

ساعد في نشر والارتقاء بنا عبر مشاركة رأيك في الفيس بوك

يا مرحبا ما ناض برق وهل ودان المخيل
.....................بالشاعر الي عادته ليل الظلم يسري بها
وانا خويك درع جنب و سيف بتارٍ صقيل
.......................من حيث ما ودك فوجه بالركاب و نبها

دام البقا ياللي ترحب والدواء يشف العليل

ومحمد المناع وقفاته معي ما سبها

أنا بلشت بوقتنا اللي فيه عدل وفيه ميل

وقتن كفانا الله شره خنجره يضربها

حييت و الدنيا متاع و بعدها شد الرحيل
........................للبرزخ اللي بعدها تلقى الخلايق ربها
والوقت هذا يا ولد مافيه شيٍ مستحيل
........................لكن تكلتنا على الله والعرب في كربها

قدام ماينش الخيال وقبل ماسيله يسيل

قلي وش علاج الجروح اللي صعيبن طبها

أنا دري أنك لا وقفت لحمل تشتال الثقيل

وتقلط على دله وبرادي نياز أيصبها

طب الجروح المبطيه تصلى على حر المليل..................وانكان ما فاد الكوي يا صاحبي قم جبها
و الدلة اللي ما تزود من قناد الهيل هيل
...................فوق المقهوي والجمر يا صاحبي بنكبها

ههههههههههه

نياز ليه تزعله جاب ألك دله زنجبيل

ويقول هذي مشكله قهوه زعل ماحبها

أنته زميلي فالشعر والطب لا منت بزميل

والناس ماهي لعبتن أرواحها تلعبها

هههههههه

نياز خله يرتحل بين الجزر و الأرخبيل
.......................وإذا رجع يغسل دلال البن وإلا يربها
اناخويك والعمل في سابع بحورالخليل
.....................كل البحور المظلمة ياصاحبي نبحربها

حياكم الله
مبدعين ومتألقين
صح لسان الجميع
متابعه لكم بصمت كونوا بخير

صحت السنتكم أبدعتم بالمحاوره