الصمت أفضل عند كثر الكلامي
والمعدن الأصلي ولاشي يفله

من عز نفسه ما يجي فالملامي
ومن ذل نفسه يستحق المذله

مكثر هروج الناس والجرح دامي
واحد يحط الهرج وآخر يشله

الذم ما ينزل مقام ... الكرامي
والمدح مايرفع أحد من محله

والصدق فوق الصدر مثل الوسامي
والكذب مهما كان للقلب عله

ولسان ابن آدم شبيه الحسامي
مسكين حال اللي على الناس سله

والليل مهما طال فيه الظلامي
يشرق عليه الصبح ويزول كله

والشمس لو غيم عليها الغيامي
ما تختفي والضوء كلن يدله

واللي يريد القدر والاحترامي
يصدق مع نفسه ولا حد يمله

وازكى تحياتي وأفضل سلامي
على الرسول المصطفى في محله


مساعد ابن هادي الحارثي
4/12/2016م
ساعد في نشر والارتقاء بنا عبر مشاركة رأيك في الفيس بوك

صح السانك اخوي ابو هاجر ولا هنت
جزله من راس جزل يالغالي

احترامي وتقديري

المهيدات

ارحب ارحب يامستااعد

منور طال عمرك

حضوورك داائما يسعدني

سجل اعجابي

محمد

صح لسانك مليون
احترامي

ثريه بالجمال

سعيده لتواجدي

صح لسانك مليار على مليار

ولايكفون

وتسلم يمينك

دمت بخير لاينتهي