اخواني الاكارم حبيت اوسع صدوركم اليوم بقصه جميله فيها من الطهاره والعفه والوفا والصدق والامانه ما يكفي ولكن التسرع في بعض الامور غير مستحب القصه حسب ما سمعتها من الرواة الافاضل كبار السن تقول ان هناك شاب وله بنت عم وكانا يعيشان بالقرب من بعضهم وكانا يسرحان بالابل سويه وبينهم معزه قويه وعشق عفيف وصدق وامانه مرت الأيام والسنين واللي بينهم كل ما له ويزود في ظل العفه ...... وفي ليلة من الليالي طلب الشاب البنت من عمه ووافق ومن اليوم الثاني الضحى عقدوا للولد وصارت بنت عمه حليلة له على سنة الله ورسوله طبعاً الموضوع ما أحد يدري عنه غيرهم ؟ وبعد ماتم العقد انطلق الشاب على فرسه للمفلى من فرحته ولهفته.... على بنت عمه اللي هي زوجته ...... ويوم وصل مكان المفلا مرعي الطرش صار يتعامل معها على أنها زوجته ؟! حست البنت إن ولد عمها متغير عليها وهو يحسب إن عندها خبر بالسالفة اي الزواج !! وهي ماتدري و جاء على بالها إن الشيطان أعمى بصيرته ويبي منها الشينه ؟ واثره بوادي وهي بوادي المهم حاول يتودد منها ويتقرب لها أكثر وأكثر الا انها رفضت ان تتجاوب معه وهي حليلته زوجته ولكنها لا تعلم بذلك بحكم انها سارحه مع الابل حاولت تفتك منه وماقدرت وهو يحسب إن عندها خبر ومستحية منه أو تتغلى عليه طغى طيب أصلها وعفتها على غلاها ومعزتها لولد عمها وإنفلتت منه وركضت للفرس وسحبت البارود وثورتبه وإلا هو من صيد أمس صريع يوم ناظرت وإلا هي ذابحة ن ولد عمها ؟ وجات للبيوت وعلمت أهلها باللي صار ........ قال أبوها وذبحتيه قالت إي بالله ذبحته !! قال كيف تذبحين زوجك قالت وشلون قال نعم الصبح عقدنا لك عليه ؟ وما ان سمعت الخبر الا هي مغشي ن عليها وما فاقت إلا بعد وقت وأخذت لها يومين لاتآكل ولاتشرب ..... ولاتتكلم مع أحد من هول الصدمه للي حصلت لها !! وفي اليوم الثالث طلعت من البيوت وأشرفت لها على رجم وقالت هالبيتين : عــديت بالمرقاب وأوميــت بالخمــــس ,,,,,, وأقول يا هجر النيــا ويــن خلي ؟ خلــي عقــدني عقدتيـــن ن بلا لمـــس ,,,,,,, وأنا عقــدته عقدة(ن) ما تحلي ! كان أمس مثل اليوم واليوم مثل أمس ,,,,,,,, وكان ان باكـر مثلهن زاد غلـي !! على ابـن عمي مُـت يابوي انا حمس ,,,,,,,, ويــلاه مــن فــرقاه ياكبـر غلي ؟ اخرجت اللي كان براسها نزلت من الرجم وراحت لقبر ولد عمها اللي هو زوجها وتاقف لها عند القبر شوي وثم طاحت؟ تباطوها أهلها ودوروها وحين ماجوا للقبر وإلا هذي هي متوسدة ن القبر وميته ودفنوها بجنبه !! هذه قصتنا اليوم ارجو ان اكون قد وفقت في روايتها لكم وسامحوني اذا كان هناك قصور

ساعد في نشر والارتقاء بنا عبر مشاركة رأيك في الفيس بوك

كمية حزن
لكنها جميله

الله يرحمهم جميع ويرحم موتى المسلمين
اجمعين

كل الشكر لك

كن بخير

قصة عفه وشرف وحزن عميق وجرح ماله دواء

وعادات وتقاليد ينفجر منها الحجر


تسلم يمناك ومامنك قصور

الله يبعد الحزن عن الجميع
مبدع

قصة مؤثرة وذات مغزى مشرّف
معاني كثيرة وفوائد جمّة

تحيتي ومودتي
اخوي محمد