يا حروف المشاعر

#1 12-08-2011, 02:57 AM

أليكم مما لامس الوجدان..!

مآجور ياللي خذيت القلـب وأشقيتـه
وأمسيت خالي .. وأنا عليك سهراني
ياللي على باشة الاضلاع .. وصيتـه
وش لون ؟ تنسى وداعتْك وتناسانـي
حبل الغلا اللي قصرته عقـب مديتـه
لا تقطعـه يـا بعـد حيـيّ وحيّانـي
وش عذرك بمسلم ٍ بزلالـك أشفيتـه
وأقفيت عنّه .. واهو ناصيك عطشاني
بليـت قلبـه و ولعـتـه و خلّيـتـه
الله لا يبلاك من عنـده بمـا جانـي
وانا على العهـد الاول مـا تناسيتـه
ودي بدفنتْه .. مير الحـب سلطانـي
ماغيرك أحـدن ليـا منّـي تباطيتـه
جيته . من أقصاي بحمول الغلا عاني
غيرك لو إنّه يصوّت لـي . تعديتـه
جعله فدْا الصوت .. وإفدْا لدّت أعياني
وما كل من رحّـب وهـلا ّّ تنصّيتـه
لو كان لا مـرّ دربـي مـا تعدّانـي
ولاْ كل من غاب عن عيني تحرّيتـه
ولا ْ كل طرْف ٍٍ يلدّ بعينه .. أغرانـي
ولاْ كل زول ٍ ليـا مـن مـرّ حييتـه
ولاْ كل برق ٍ .. ليا من لاح يشعانـي
مسّيك بالخير . يا أغلى من تمنيتـه
يالمهره اللي بليّـا سـرج وعنانـي
مسيك بالخير . يا من ضامري بيتـه
لو كان ما هوب حقّ ٍٍ منْك هجرانـي
ياهيه لا جيت في بالـك .. ومريتـه
سلّم عليّ يا بعد روحي .. على شاني
وألا ّ أنت ملفـاك لا منّـي تباطيتـه
وجّّه بي الشوق لدروبك .. و عنّانـي
لين آصلك .. بالغلا يأغلى من أغليته
وأغلى من أقبـل وحييتـه وحيّانـي
من له غلاتك لو إنّه مايجي . جيتـه
ياواحد ٍ ماله بوسـط الحشـا ثانـي

أرجو أن يلاقي قبول لديكم..

ساعد في نشر والارتقاء بنا عبر مشاركة رأيك في الفيس بوك