إهداء لمطانيخ ام رقيبه
مهرجان أم رقيبه لمزاين الابل كرنفال وطني تراثي كبير لمحبي الابل ومحبي التراث
يجتمع فيه أبناء المملكه وأبناء الخليج العربي ويزورة كثيرا من الوفود الاجنبيه
واولت حكومتنا الرشيدة ممثلة بريئس البيعه الامير مشعل بن عبد العزيز كل اهتمام
بهذا المؤروث الذي يستحق الاهتمام 0
ونسمع من حين لااخر من ضعفا النفوس انة مجمع للعنصرية ونقول لهؤلا العنصريه
في العود الازرق والشحم والهيل والزعفران وفي البيوت المشيدة على العز
أننا نراء اجمل صور التلاحم في هذا المهرجان نرى السبيعي يشجع العتيبي والمطيري
يشجع القحطاني اخوان واحباب ليس بينهم تعنصر في هذة القصيدة اخترت من كل قبيلة
صاحب أبل ومشارك وهو يمثل قبيلتة بكل فخر
من قبيلة عنزة الشيخ هزاع ابو الروس ومن قبيلة عتيبة الشيخ طويق بن مقعد الحافي العتيبي
ومن قبيلة حرب الشيخ عليان الطهيمي ومن قحطان الشيخ عايض بن رفعان
ومن سبيع الشيخ صحن ابن شويه ومن مطير الشيخ نداء بن عشوان ومن شمر الشيخ خالد اللغيصم
ومن الدواسر الشيخ ناصر ابن قريع ومن الهواجر الشيخ سعد الزومان ومن الاشراف الشيخ المهيلب
ومن السهول الشيخ فواز ابن متعب ومن العجمان الشيخ حزام ابن حثلين
ومن المرة الشيخ عبد الهادي ابن راشد ال بخيته
ويستاهلون هؤلا الرجال والمشايخ وهم فزعة البل من قبل واليوم ويستاهلونها

العود الازرق والدلال المباهيـر = تركى على نار للااجـواد حيـه وسط البيوت النايفات المقاطيـر = أقلط وتلقـى محتميـن المطيـه قروم الرجال اللى تهز الطوابيـر = من كل حدب وصوب جونا سويه كسابت الطالات للمجـد تسطيـر = وعزومهم عنـد الملاقـاء قويـه أهل الكرم ومدلهيـن المعاشيـر = مايحتميها كـود شيـخ السريـه فيهم من العزة جيوش سعاطيـر = وفيهم تواضع طيب اصل وحميه شيوخ القبائل كلبوهـم مشاهيـر = مدلهين الـذود صبـح وعشيـه مابه تعنصر لو تطير العصافيـر = كيف العلوم الغانمه عنصريـه جمعا معزة للرجـال المناعيـر = ماهمهـم مروجيـن الخطـيـه أذكر أبو الروس زبن المخاسيـر = عيـال وأيـل محتميـن العبيـه ولاطويق اللى زمى كنـه النيـر = شبل مـن العتبـان منهـو لديـه وأبن اللغيصم للمناعيـر تعبيـر = سـلام ياشمـر بـروح زكيـه وأذكر ابن عشوان امثـل مطيـر = حمر النواظـر طيبيـن السجيـه ولا ابن حثليـن شيـخ البواتيـر = واحد وفرق لـة جمـوع طميـه وقل للطهيمي سطر المجد تسطير = من لاابـة فـي حربهـا لولبيـه ولقالو الزومان للفخـر تشهيـر = هواجر تشفيـك فـي كـل نيـه وابن قريع متـر المجـد تمتيـر = دواسر مـن محتميـن الرعيـه وأذكر ابن شويه على كل تقديـر = مقدم سبيع بكـل محفـل وهيـه ولا المهيلب واعرضي يامغاتيـر = من صفوت اشراف لهـم قابليـه وعايض ابن رفعان شوق الغنادير = قحطان وللمجـد المسمـى بقيـه وفواز ابن متعب يدوس المخاطير = من السهول أهل القنى والعطيـه وأذكر بخيته مجدهم دايـم غيـر = مريتن للمجـد تضـرب تحيـه مابه تعنصر والبلد كلهـا خيـر = نامن تحت ظل السيوف العذيـه شف لااعب الكورة عنه كم تقرير = كم انفقو مليـون ينطـح خويـه ورثم الخشوم النايفات المصاديـر = الله يجنبهـا النفـوس الـرديـه هي ورثنا هي حبنـا يالجماهيـر = عاشو هل الطـلات والمقدريـه

ساعد في نشر والارتقاء بنا عبر مشاركة رأيك في الفيس بوك

ونعم بكل القبايل وبيض وجهك ياطلال وافي ونصك وافي في وافين

لاهنت ولاهان راسك يالذيب

والإبل تراثنا المجيد وإجتماع القبايل على الطيب والعلم الغانم لايعد عنصريه وإنما تلاحم وتعارف بين المطانيخ شرواك

دمت كما تحب يالغالي

طلال بن نشار

كفو وبيض الله وجهك

صح لسانك

كنت هنا ومضيت

سلمت يداااكـ
صح لسانك مليوون ولايسدوون
تقديرے واحترامے
لشخے ـصكـ وبوح ـكـ الراقے
ذكرے الغالے

صح الله السانك ياطلال والف نعم بالاجواد

وبيض الله وجهك على هالشامخة

ورثم الخشوم النايفات المصاديـر

الله يجنبهـا النفـوس الـرديـه

هي ورثنا هي حبنـا يالجماهيـر

عاشو هل الطـلات والمقدريـه

الله الله

والنعم فيك شاعرنا

صح لسانك واعتلا شانك

وسلم نبضك الجززززززل

ودي وتقديري

الله يسعد قلبك
على جمال الابداع
وروعة ابداعك
صح لسانك مدد بلا عدد
وعلا شانك

اعجابي بما خط قلمك

تقديرى لك واحترامي

الاخ العزيز والكاتب والشاعر القدير
الفاضل طلال بن نشار
شكرا لك على القصيدة المعبرة الجميلة
ابيات كتب بأجمل المعاني

وارق احساس واجمل مشاعر
دام خاطرك والقلم ودمت بخير
مشكور يا عزيزي

أينما تتواجد ياطلال تنساق العذوبة
صح لسانك حتى الرضى

أهلا وسهلا بك حياك الله
نص من الطراز الفاخر
صح لسانك ملايين ولا يكفون وتسلم يمينك من النار
ولاهانت يسارك دمت بخير لاينتهي..