--(( محكمة المروءه ))-- لو للمروءه محكمة كم يمثل=قدّام اهلها من خبل من خسيسا ولو النمامه مالقت شخص ينقل=كان الأوادم مابها من تعيسا ولو المنظف كان تايد او اريل=يغسل عقول اهل المرض والدسيسا ولو الصحيّح قد تلّكع مع الكل=لاشك يحذر في كلامه يقيسا يبقى الردي مهما ضحك مايجمل=خلك حذر إياك تاقع فريسا بعض شباب اليوم فيهم تأمل=حالة كثير ٍ منهّم دردبيسا والقلب من شيّن يشوفه تساءل=وجه الزمن وش فيه امسى عبيسا والطيب باقي نحمد الله ولازل=والناس بين الناس جوهر نفيسا كم واحد ٍ بالفن يركض ولامل=يطرب لميحد ويتسمّع اليسا يهز راسه كنه تقول مختل=يطرد وراء المقفي وحاله تعيسا وإذا نصحته ماتسمّع تململ=مكشر ٍ والبال عنده مخيسا الهم زاده والغثاء فيه طول=عايش وهمّه بالحنايا حبيسا تقديري للجميع ,,,,

ساعد في نشر والارتقاء بنا عبر مشاركة رأيك في الفيس بوك

قاف راااائع جداااا

وقصيده اكثر من راائعه

تم تطعيمها ببعض المفردات الدارجه

بقالب شعري جميل

عبدالكريم هنااا كان للشعر كلمه

سجل اعجابي

محمد

صح لسانك وسلم بدنك وبنانك
حروف متناسقه واسلوب سلس بديع
ننتظر جديدك بشوق
دمت في حمى الرحمن

عبد الكريم بن خزيم
نكأت جرح دامي
صح السانك واعتلى شانك
دمت بهذا الجمال

كا الود والتقدير

ابو مهيد

عبدالكريم ابن خزيم
اختصرها وأقول
أنت مبدع وتستحق التمييز

مودتي

الاخ العزيزي والشاعر الغالي والقدير
عبدالكريم بن خزيم
دائماً للأبداع عنوان ولقلمك أسم
عبد الكريم بن خزيم
دائم الحضور ولو غاب
مرحبا بك وبقصيدتك الرائعة
قصيدة جمعت كل معاني الابداع
وهذه المحكمة لجميع من سمع نداء الدماء
للعقول المريضة التي يحرضها اتفه اعلانات
ولو النمامة كنا بألف خير
دام قلمك وخاطرك يا سيدي
ودمت بخير
مشكور

الشاعر الراقي عبد الكريم بن خزيم
صح اللسانك واعتلى شانك ودي وتقديري
لسمو حرفك الراقي العذب اخوك الغيهب

الله عليك يابن خزيم

نص راقي ومعبر جداً حاكيت فيه الواقع المرير لبعض الناس في هذا الزمن

فـ صح الله لسانك شاعرنا الجزل وبيض الله وجهك

بكل اختصار
ابدعت ابدعت ابدعت
ولله درك
كنت هنا وسأعود
صح السانك ولاهنت

سلمت يداك التي صاغت هذا الجمال
صح لسانك مليون ولايسدون
تقديري واحترامي
لشخصك وبوحك الراقي
ذكرى الغالي