هنيّك يا النجوم .. للشاعرة نورة العجمي ...!‍‍‍‍‍‍ ‍‍‍‍‍

[شيخه آل غانم]

صدورٍ ما تبوح الاّ الونين بفقدها الـغــالين
.................... وعينٍ ما تشوف الاّ هــــواها اللي معذبها

ليالٍ عذبتني بالفراق وضحكة الـســالين
.................... على دمع العيون وحسبةٍ من وين احسبّها

اسامر كل ليله فالــسما يا عاذلي نـجـمين
.................... هنيك يالـنـجوم الدالـهـه عن من يراقـبها

واقول الله يعدل مايل الدنيا على الحـيين
........................يحل المشكله ومسامحتكم يا سبايبهــا

واقــول اثر الـغـرام الـشين مــا يرحم وله حـدين
..................... يصيب العين لين تهل من فرقا حبايبهــا

بعد حلو الــسـنين وعـذبـة الايــام صرنا ويـن ؟
..................... نراجع ذكريات الماضي الحلوه ونكتبهـا

تعال اكتب شعر والاّ تعال اقره مع الــغـــاويـن
..................... تعال وشتت افكاري على كيفك ورتبها

نعم لك حق لـــكن حـقـي الغيره مـن الـباقـيـن
.................... أخاف يحل غيري في مداراتي وينهبهـا

على غصن الحمامة خايفه يـــاقع غراب الـبيـن
..................... ولا ذم السنين السود غير اللي مجربـهــــا

عسى عقب القسى والضيق ياهجر الزمان تلين
................. وعسى عيني توالف نومها من عقب حاربها

[عقاب النهار]

تعال اكتب شعر والاّ تعال اقره مع الــغـــاويـن
..................... تعال وشتت افكاري على كيفك ورتبها

نعم لك حق لـــكن حـقـي الغيره مـن الـباقـيـن
.................... أخاف يحل غيري في مداراتي وينهبهـا

لله ثم لله درك
اقسم بالله قصيده قمه واختيار ينم عن قلب شاعره
اما هالبيتين عن قصيده
صح قلبك وكلك
ولاهانت من قالت الابيات

تقديري واحترامي

[العنودالشمريه]

رائعه واكثر
تسلم يمينك
كوني بخير

[شيخه آل غانم]

الشاعر القدير والاداري اللبق \ عقاب النهار


اطلالة متميزة

تميزت بها هذه الصفحة

ربي يسعدك ويوفقك

تقديري واحترامي ؛؛

[شيخه آل غانم]

الباذخة والراقية \ العنود



نورتي الصفحة فانرتي الروح ياروح

لاعدمت تواصلك ورقي ردودك

محبتي ومودتي يالغلا ؛؛