ضيقة البال

[ماجد الحربي]

http://t1.gstatic.com/images?q=tbn:ANd9GcQ-jp4kr0WylOja3aYy0ZD0GxAHChMjRfN-aKXXCaqvDkzFL9ccKA



ياصاحبـي واللـي ورى ضيقـة الـبـال
له يمكن أكثر من سنه فـي مكانـه


أزريـت لاآقولـه وهـو صعـب ينقـال
والأصعب اكثر لو تركتـه وشانـه


الصمـت وافـي لكـن المشكلـه طــال
وأن طوّل اكثر بأعتبرهـا خيانـه


الـى متـى وأنـا علـى نفـس هالحـال
ان جاد صوتي قلت ماهوب أوانـه!


مليـت اداري خـطـر الـنـاس الأزوال
حتى ملت صدري جـروح الميانـه


ياصاحبـي كـم لـي وأنـا ودي أحتـال
على همومي لكن ! , (الشعر أمانه)


ألقـاه غـيـر إذا تـسـاون الاقــوال
ويلقاني الضلع ان سعوا في طمانه


اذا كتبـتـه أشـعـر ان الـتـعـب زال
واذا قرانـي نـال قـدر ومكانـه


وانا التعـب فينـي مـن الجـال للجـال
يكبر ويبقـى طيشـه وعنفوانـه


هـذي سنـه وأنـا مجاهـيـم الأنــذال
تدك صدري , بين جهـل ولعانـه


ياقلهـم وقــت الشـدايـد والأهــوال
وياكثرهم وقت الرخـاء والليانـه


رح قلهـم ياصاحبـي طـيـب الـفـال :
(عن الشجاع اللي يورد حصانـه)


وعن سيفـه الساطـي وحـده ليـا مـال
ماضي ولكن من يسله عشانـه ؟


وأطيبهم اللـي لا غـدت صلـف وثقـال
حملي على متني ..وحمله وزانـه


ياصاحبـي صبـرك علـي تــو لا زال
عندي كلام وودي أطلـق عنانـه


تبـي تعـرف اللـي ورى ضيقـة البـال
اللي له أكثر من سنه فـي مكانـه


عان الشجـر طايـح ولا حولـي ظـلال
الا ظلالي يقهر الشمس شانـه


والأرض ضاقت وأنكـرت وجـه رجـال
غريب وأكثر غربته من زمانـه

[ظلال]

ابيات في غاية الروعة اخي ماجد

إنتقاء عذب كالعادة

[ياسمينة]

أبيات رائعة وأكثر


ذائقة مميزة كأنت


سلمت ودام عطائك


تقديري

[العنودالشمريه]

جميل
شكرا لك

[عاشقة الفردوس]

الشاعر القدير ماجد الحربي سلمت الانامل دمتم ودام عطائكم

[ماجد الحربي]

القديرة : ظلال


مجددا سعدت بعطر مرورك العطر

اشكر لك رقيك مشاعر..

[رهام]

لاجديد ماجد الحربي

سوى جمالٌ في ازدياد


تقديري لهذا الطرح المتفرد




رهام