هربت من الزمان

[ماجد الحربي]

هربت من الزمـان اللـي يسمونـه صبـاح النـور
وزبنتـك يـا الظـلام وستـر مجـروح الزمـن ثـوبـه



لقيتك ماسمعت احلى النصايح والعتب والشور
علـى زيـن النهـار اللـي لقيـت اشتـقـت لغـروبـه


تجاهلـت الشمـوس ولاالتفـت لنـورهـا المنـشـور
وتلقـيـت الـطـريـق المظـلـمـه دوب الـقــدم دوبـــه


حسبت خطاي وعيوني مداها للعصـى والسـور
صحيح الشوف لكني خذيت من العمى اسلوبه


انـا لـي بالعمـر مبـدا ثـبـت بــي والسنـيـن تــدور
ملبـسـنـي لـبــاس المنـتـصـر والـنـفـس مـغـلـوبـه


يجملنـي بضحكـه فـي صـداهـا خـاطـرٍ مكـسـور
يـغـنـي فــــي شـمـالــه والــدمــوع تــهــل لـجـنـوبـه


أنا خصمي زمن واقوى سلاحي حظي المعثـور
اســـوق بـــه الـركــاب محـمـلـه وتـــرد مـسـلـوبـه


يعانـد غيـرة ٍ فينـي ربـت صـدق وثقـه وغــرور
تسـامـت فــي زمــانٍ يـفـرش الـهـامـات لـدروبــه


أدوّر لـلـوجـيــه الـمـقـبـلـه وجـــــهٍ حــيـــاه يــثـــور
ابـي منـه احتجـاج علـى الزمـان المـر وعيـوبـه


تهجيت الملامح والسطـور اللـي قريـت سطـور
طـريــق ودخلـتـنـي فـــي قـيــود الــذنــب والـتـوبــه


تصـدد بـي عيونـي مـن حياهـا والـدروب سفـور
تـوريـنـي وجـيــه فـــي زوايــــا الــذنــب مـصـلـوبـه


تقلبـهـا الـيـديـن العـابـثـه كـــن الـيـديـن صـخــور
عـلـيـهـا ذكــريــات مـؤلــمــه بـالــدمــع مـكـتـوبــه


أنـا وشلـون ابستوطـن رحـابـك ياصـبـاح الـنـور
وانـا فينـي وطـن ينـزف قبايـل ديـن .. وعـروبـه


الشاعر: مهدي بن سعيد

[ياسمينة]

راااائعة جداً

سلمت ذائقتك ماجد


تقديري

[عبدالرحمن العتيبي]

المبدع ماجد سلمت اناملك مدد بلاعدد
انتقا اكثر من رائع
دمت بخير

[ذكرى الغالي]

سلمت يداك
وصح لسان الشاعر مليوون

[العنودالشمريه]

انتقاء جميل ومميز

تسلم يمينك
كن بخير